Լուրեր են պտտվում, որ ներկա պահին Microsoft ընկերությունը մշակում է «խելացի» ժամացույցի իր սեփական տարբերակն ու մոտակա մի քանի շաբաթվա ընթացքում ծրագրում է պաշտոնապես ներկայացնել այն: 

Սպասվում է, որ սարքն անընդհատ վերահսկելու է կրողի սրտի աշխատանքը և բացի այդ, համատեղելի է լինելու ինչպես Windows, այնպես էլ iOS և Android օպերացիոն համակարգերով աշխատող սմարթֆոնների հետ: Ընկերության այս որոշումը բացատրվում է նրանով, որ մրցակիցներին է պատկանում սմարթֆոնների շուկայի գերակշռող մասը, իսկ նրանց հետ համատեղ աշխատանքը հնարավորություն կտա զգալիորեն մեծացնել վաճառքի ծավալները: