Ավելի քան տաս տարի է անցել այն բանից, երբ Opportunity մարսագնացը հաջողությամբ վայրէջք կատարեց «Կարմիր» մոլորակի մակերևույթին: Այսօր մարսագնացի կատարած աշխատանքը մոտ քառասուն անգամ գերազանցում է նախապես կանխատեսված աշխատաժամանակը: Եվ քանի որ սարքավորումը մինչ օրս էլ տեխնիկապես լավ վիճակում է, կարելի է եզրակացնել, որ սա էլ Opportunity-ի հնարավորությունների սահմանը չէ: Ավելի արտասովոր է այն փաստը, որ այսքան տարի Մարսում անցկացնելուց հետո էլ Opportunity-ն չի դադարում զարմացնել թե' գիտնականներին, թե' հասարակ մարդկանց:

Լուսանկարին պատկերված են մարսագնացի հետքերը, որը դեռ շարունակում է իր ճանապաարհորդությունը Կարմիր մոլորակի վրա: