Beeline-ը հայտարարում է «Որտե՞ղ ես» ծառայության գործարկման մասին: Ծառայությունը հնարավորություն է տալիս տեղեկատվություն ստանալ Beeline բջջային ցանցի այլ բաժանորդների գտնվելու ընթացիկ վայրի մասին` վերջիններիս համաձայնությամբ:

Ծառայությունն օգտակար է այն բաժանորդների համար, ովքեր ցանկանում են տեղեկանալ, թե որտեղ է գտնվում իրենց երեխան, սիրելին կամ ծնողները: Ծառայությունը նաև կարող է օգտակար լինել, եթե հաճախորդը մոլորվել է կամ ցանկանում է իմանալ իր գտնվելու վայրը:

«Beeline-ի «Որտե՞ղ ես» ծառայությունը գեոլոկացիոն ծառայություն է, որի օգնությամբ հնարավոր է արագ տեղեկատվություն ստանալ հարազատ մարդու գտնվելու վայրի մասին` առանց նրան զանգահարելու կամ հաղորդագրություն ուղարկելու: Ծառայությունն աշխատում է նույնիսկ ամենասովորական հեռախոսներով և չի պահանջում հատուկ կարգավորումներ: Բավական է, որպեսզի բաժանորդը համաձայնություն տա իր գտնվելու վայրի մասին տեղեկատվություն տրամադրելու վերաբերյալ», – նշեց Հայաստանում Beeline-ի Գլխավոր տնօրեն Անդրեյ Պյատախինը:

«Որտե՞ղ ես» ծառայությունից օգտվելու համար անհրաժեշտ է հավաքել *999# USSD-հրահանգը: Բաժանորդի գտնվելու վայրի մասին տեղեկատվություն ստանալու համար նախևառաջ անհրաժեշտ է ստանալ վերջինս թույլտվությունը։ Այս նպատակով ծառայությունը միացնելուց հետո, անհրաժեշտ է հավաքել *999# հրահանգը ծառայությունների մենյուն բացելու համար, այնուհետ ընտրել «Ավելացնել հեռախոսահամար» կետը և հետևել համակարգի ցուցումներին: Նշած հեռախոսահամարից թույլտվություն ստանալուց հետո հաճախորդները կարող են ուղարկել անսահմանափակ թվով որոնման հարցումներ` քարտեզի վրա փնտրվող բաժանորդի գտնվելու վայրի մասին տեղեկանալու համար: Փնտրման հրամանին ի պատասխան` հաճախորդը ստանում է SMS-ծանուցում փնտրվող բաժանորդի գտնվելու վայրի նկարագրությամբ և քարտեզի հղումով:

Եթե բաժանորդը չի ցանկանում, որպեսզի իր գտնվելու վայրի մասին տեղեկատվություն տրամադրվի, բավական է հարցման հաղորդագրությանը չպատասխանել: SMS-հարցումներ նույն հեռախոսահամարից նա այլևս չի ստանա:

«Որտե՞ղ ես» ծառայության օրական բաժանորդային վարձը 30 դրամ է: Այն ներառում է օրական մինչև 10 փնտրման հարցում ուղարկելու հնարավորություն: Օրական սահմանաչափը գերազանցող յուրաքանչյուր լրացուցիչ հարցման արժեքը 30 դրամ է:

Լրացուցիչ տեղեկատվության համար այցելեք www.beeline.am կայք:

Հիշեցնենք, որ «ԱրմենՏել» ՓԲԸ-ն (Beeline ապրանքանիշ) հանդիսանում է «ՎիմպելԿոմ» ընկերությունների խմբի մի մասը: «ՎիմպելԿոմ»-ը հանդիսանում է աշխարհի խոշորագույն ինտեգրված օպերատորներից մեկը, որը գործում է աշխարհի 14 երկրում, իսկ գլխամասային գրասենյակը գտնվում է Ամստերդամում: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ Ռուսաստանում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում, Պակիստանում, Զիմբաբվեում, Իտալիայում: «ՎիմպելԿոմ»-ը ծառայություններ է մատուցում ամբողջ աշխարհում` շուրջ 740 մլն. ընդհանուր բնակչությամբ տարածքներում: «ՎիմպելԿոմ» խմբի ընկերությունները ծառայություններ են մատուցում «Beeline», «Киевстар», «Wind», «Infostrada», «Mobilink», «Banglalink», «Telecel» և «Djezzy» ապրանքանիշերի ներքո: 2015թ. սեպտեմբերի 30-ի դրությամբ ընկերության բաժանորդների թիվը կազմում էր 217 միլիոն: “ՎիմպելԿոմ”-ի բաժնետոմսերը շրջանառվում են NASDAQ բորսայում VIP նշումով: Մանրամասներին կարելի է ծանոթանալ www.vimpelcom.com կայքում: