AndroidWorld.nl հոլանդական կայքը նկարներ է հրապարակել, որոնք որոշ մանրամասներ են բացահայտում WhatsApp հավելվածի Android տարբերակի մասին: Առաջին բացահայտումն այն է, որ հավելվածն ունենալու է ձայնային զանգերի ֆունկցիա: Բացի այդ, խոսակցությունն ամբողջությամբ ձայնագրվելու է, և ցանկացած ժամանակ օգտատերը հնարավորություն կունենա վերալսել այն: 

Այն մասին, որ հաղորդակցման հարթակը համալրվելու է ձայնային զանգերի ֆունկցիայով, ընկերության գլխավոր տնօրեն Յան Կումը հայտնել էր այս տարվա հոկտեմբերին: Նա նաև նշել է, որ գործառույթը գործարկվելու է 2015 թվականի առաջին եռամսյակում: