Amazon ընկերությունը պատրաստվում է ներկայացնել բանկային քարտերով գործարքներ իրականացնելու համար նախատեսված իր սեփական սարքը: Այն ստանալու է Card Reader անվանումը և ամենայն հավանականությամբ պաշտոնապես կներկայացվի այս տարվա օգոստոսի 12-ին: 

Սարքն ունենալու է նույն ֆունկցիոնալ հնարավորությունները, որոնցով հագեցած են PayPal , Square և Staples ընկերությունների արդեն իսկ գոյություն ունեցող նմանատիպ սարքերը: Բջջային սարքերի հետ համատեղելի համակարգի արժեքն ԱՄՆ-ում կազմելու է 9,99 դոլար: 

Բոլորովին վերջերս Amazon-ը ներկայացրեց նաև բջջային վճարումների սեփական համակարգը և չի բացառվում, որ Card Reader-ի ֆունկցիոնալը մասամբ կինտեգրվի այդ ծառայության մեջ: