Այս շաբաթ Twitter միկրոբլոգերի ծառայությունը որոշ օգտատերերի մոտ թվիթերում ավելացրել է «Buy Now» կոճակը: Առաջին անգամ այս նոր ծառայությունը նկատել են Re/Code-ի լրագրողները: Կոճակն ավելացվել է կայքի բջջային տարբերակում, բոլոր այն թվիթերում, որոնցում առկա է Fancy առցանց խանութի տեսականին: 

Եվ չնայած «Buy Now» կոճակն առայժմ չի աշխատում, փորձագետները սպասում են, որ մոտ ժամանակներս օգտատերերին հնարավորություն կընձեռվի ծառայայության ներսում տարբեր գործարքներ իրականացնել: 

Հարկ է նշել, որ վերջին մի քանի տարվա ընթացքում Twitter-ն ակտիվ բանակցություններ է վարում էլեկտրոնային վճարումների համակարգը սեփական ծառայություն ինտեգրելու ուղղությամբ, սակայն մինչ օրս էլ այդ ֆունկցիան կյանքի չի կոչվել: