Գովազդը, որը Դուք տեսնում եք Facebook-ում շուտով կունենա Google-ում հանդիպող գովազդի տեսքը:

Facebook սոցիալական ցանցը Kenshoo Social ընկերության հետ համատեղ մշակել է մեխանիզմ, համաձայն որի Google, Yahoo կամ Bing ծառայություններում օգտատերերի կողմից իրականացված որոնումների հիման վրա կազմավորվելու է ֆեյսբուքյան էջերում տեղադրվող գովազդը, որն արդյունքում ավելի թիրախային կդառնա: 

Այլ խոսքերով՝ օգտատերերի կողմից իրականացվող որոնումների մասին տեղեկատվությունը ձևավորվելու է ոչ թե նրանց այցելած կայքերի, այլ որոնման բառերի հիման վրա:

Այս տեխնոլոգիան դեռևս գտնվում է փորձարկման շրջանում, սակայն երկար սպասեցնել չի տա: Ամենայն հավանականությամբ, մոտակա մի քանի շաբաթվա ընթացքում ծառայությունն արդեն հասանելի կլինի: