251
2500
WiFi սարքավորումներ` 173 դպրոցի «Արմաթ» լաբորատորիային

WiFi սարքավորումներ` 173 դպրոցի «Արմաթ» լաբորատորիային

Ինֆորմացիոն տեխնոլոգիաների ձեռնարկությունների միության (ԻՏՁՄ) գործադիր տնօրեն Կարեն Վարդանյանն ու Beeline-ի Գլխավոր Տնօրեն Անդրեյ Պյատախինն այցելել են Երևանի Վ. Վարդևանյանի անվան թիվ 173 հիմնական դպրոցի «Արմաթ» ինժեներական լաբորատորիա: Այցի ընթացքում նրանք զրուցել են ինժեներությամբ հետաքրքրվող դպրոցականների հետ, ոգեշնչել նրանց ու կարևորել խելացի և ստեղծարար դպրոցականների դերը Հայաստանի տեխնոլոգիական ապագայի կերտման գործում:

ԻՏՁՄ-ի և Beeline-ի աշխատակիցները թիվ 173 դպրոցի «Արմաթ» սաներին հանձնել են Beeline-ի WiFi սարքավորումներ. վերաձևափոխելով այս սարքավորումները կամ օգտագործելով առանձին մասերը՝ դպրոցականները էլեկտրոնիկայի տարբեր խնդիրներ կլուծեն, կվերափոխեն ռոբոտները, իսկ ստացված լավագույն լուծումները սեպտեմբերի 29-ից հոկտեմբերի 1-ը կներկայացվեն ԴիջիԹեք ամենամյա տեխնոլոգիական ցուցահանդեսում: Ի դեպ, այս լաբորատորիայի խմբավարը ԻՏՁՄ-ի կողմից իրականացվող «Բանակից ՏՏ ոլորտ» ծրագրի մասնակից Հրայր Մարտիրոսյանն է, ով զորացրվելուց հետո վերապատրաստման դասընթացների է հաճախում ԻՏՁՄ-ում և արդեն դասավանդում է արմաթցիներին:

«Արմաթ» կրթական ծրագրի իրականացնող՝ ԻՏՁՄ գործադիր տնօրեն Կարեն Վարդանյանը, նշում է, որ չափազանց կարևոր է տեխնոլոգիական ընկերությունների աջակցողական այս մոտեցումը: Երիտասարդների կողմից մեծ հետաքրքրություն կա էլեկտրոնիկայի, ռոբոտոտեխնիկայի և, առհասարակ, ՏՏ ոլորտի նկատմամբ, իսկ կրթական գործընթացի համար մեզ անհրաժեշտ են գործածությունից դուրս եկած սարքավորումներ, որպեսզի դպրոցականներն ազատ օգտագործեն դրանք ուսումնական գործընթացում:

«Ապագա մեծ հաղթանակները սկսվում են փոքր քայլերից: Այսօր մենք աջակցում ենք այս երիտասարդների առաջին քայլերին, որից հետո նրանց առջև երկար ճանապարհ է բացվելու: Հուսով եմ, այս դասերի ընթացքում ձեռք բերած գիտելիքները կօգնեն նրանց մեծ հաջողությունների հասնել ապագայում և փոխել կյանքը երկրում դեպի լավը», - նշեց Հայաստանում Beeline-ի Գլխավոր Տնօրեն Անդրեյ Պյատախինը:  

Նշենք, որ դեռևս ամռանը Beeline-ը, աջակցելով դպրոցականների ուսուցման գործընթացին, հայտարարել էր, որ ավելի քան 1000 հատ WiFi սարքավորում է նվիրաբերում «Արմաթ» ինժեներական լաբորատորիաների ցանցին:

«Արմաթ» լաբորատորիաները գործում են արտաժամյա սկզբունքով եւ անվճար հիմունքներով: Այն դպրոցականները, ում դպրոցներում դեռեւս չկան լաբորատորիաներ կարող են հաճախել հարակից բնակավայրերում գործող «Արմաթ» խմբակներ: Նշենք, որ ԻՏՁՄ-ն ծրագրում է ինժեներական մտքի ձեւավորումը սկսել հենց դպրոցահասակ տարիքից եւ ինժեներական կրթության ժամանակակից հնարավորություններ է ստեղծում Հայաստանի բոլոր դպրոցականների համար: «Արմաթ»՝ ապագայի ալգորիթմը» կարգախոսը կրող լաբորատորիաներում կրթվող հազարավոր դպրոցականների ինժեներական մտքի զարգացումը մոտ ապագայում իր հետ կբերի տեխնոլոգիական հզոր լուծումներ ինչպես Հայաստանի, այնպես էլ միջազգային շուկայի համար:

--------------

«ԱրմենՏել» ՓԲԸ-ն (Beeline ապրանքանիշ) հանդիսանում է «Վեոն» ընկերությունների խմբի մի մասը, որը հանդիսանում է աշխարհի խոշորագույն ինտեգրված օպերատորներից մեկը: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ ավելի քան  200 մլն. բաժանորդների Ռուսաստանում, Իտալիայում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում և Պակիստանում,: «ՎիմպելԿոմ» խմբի ընկերությունները ծառայություններ են մատուցում «Beeline», «Киевстар», «Wind», «Mobilink», «Banglalink» և «Djezzy» ապրանքանիշերի ներքո: Մանրամասներին կարելի է ծանոթանալ www.veon.com կայքում:

Կարճ հասցե: geek.am/u/5560.html
Beeline Beeline Անդրեյ Պյատախին Armath

Latest News

1 2 3 4 5 >
Ամբողջը` 2751 : Ցուցադրված է` 1 - 15 :

Tech

image

Code

image

Ինտերնետում հասանելի կայքերի 30%-ի հիմքում Wordpress-ն է

Համացանցային միտումների վերլուծությամբ զբաղվող W3Techs ընկերության հրապարակված տվյալների համաձայն 2018թ. փետրվարի սկզբի դրությամբ համացանցում հասանելի կայքերի 30%-ի հիմքում Wordpress-ն է։ Նշվում է. որ 2015թ. նոյեմբերին ...

Web

image

Հաքերային հարձակման ենթարկված ՀՀ ԱԺ կայքի թերությունները վերացվել են

Ադրբեջանական հաքերների կողմից հունվարի 26-ին ՀՀ ԱԺ պաշտոնական կայքը ենթարկվել է հարձակման։ «Արմենպրես»-ի հաղորդմամբ՝ այս մասին ֆեյսբուքյան  գրառման միջոցով հայտնել է ԱԺ աշխատակազմի ղեկավարի տեղակալ Արսեն ...

Mobile

image

Ներկայացվել է Oneplus 6T սմարթֆոնը

Չինական Oneplus կորպորացիան ներկայացրել է սմարթֆոնի հերթական մոդելը՝ Oneplus 6T: Սմարթֆոնի հիմնական նորարությունը էկրանին տեղադրված մատնահետքերի սկաներն է։ Սմարթֆոնի էկրանը Optic Super AMOLED է, չափը՝ ...

Business

image

Beeline. Պրոդուկտի մշակման ճամբարի թիմերը ժյուրիին ներկայացրին իրենց մշակումները

Հայաստանում Beeline-ի և Մայքրոսոֆթ ինովացիոն կենտրոն Հայաստանի կողմից կազմակերպված պրոդուկտի մշակման ճամբարին /product bootcamp/ մասնակցող թիմերը ժյուրիին ներկայացրին իրենց մշակումները։ Լավագույն երկու նախագծի հեղինակ թիմերը կստանան ...

Various

image

Beeline. դպրոցականները կուսումնասիրեն արևային էներգիայի կուտակման տեխնոլոգիան

Beeline-ի և Հայաստանի գործատուների հանրապետական միության (ՀԳՀՄ) համատեղ ծրագրի շրջանակում հինգ դպրոցների աշակերտները ծանոթանում են արևի էներգիայի կուտակման և օգտագործման տեխնոլոգիաներին։ Այս դասերը կազմակերպվում և ...

Bloggers

Վահագն Օհանջանյան
Newsmaker Geek
Samvel Chakhalyan
Beeline Armenia
Ինտերակտիվ
Ucom
Vivacell-MTS