Այն բանից հետո, երբ 2011 թվականին Մարկ Ցուկերբերգը Պալո-Ալտոյում գնեց Sun Microsystems համալիրը, այս ամբողջ ընթացքում մտահոգված էր մի այնպիսի ճարտարապետի փնտրտուքներով, ով կկարողանար ապահովել իր նոր գլխավոր գրասենյակի շլացուցիչ դիզայնը: Ցուկերբերգը ևս մեկ անգամ զարմացրեց բոլորին, երբ հայտնի դարձավ, որ նախագիծն իրականացնելու է Ֆրենկ Գերին, ում գործերից շատերն արդեն հասցրել են տեսարժան վայրեր դառնալ զբոսաշրջիկների համար:

Business Insider–ը համալիրի մի քանի էքսկլյուզիվ նկար է հրապարակել, որի բացումն ամենայն հավանականությամբ տեղի կունենա 2015 թվականին:

Համալիրը զբաղեցնում է գրեթե 9 հեկտար հողատարծք, իսկ բարձրությունը տարբեր կետերում հասնում է մինչև 22 մետրի: Կառույցի տանիքը կանաչապատվելու է, լինելու են նաև բաց երկնքի տակ սրճարաններ:

Նոր գրասենյակում աշխատելու է 10 հազար մարդ: