237
12.5 մլն եվրո` ԹՈՒՄՈ ինժեներական և կիրառական գիտությունների համալիր հիմնելու համար

12.5 մլն եվրո` ԹՈՒՄՈ ինժեներական և կիրառական գիտությունների համալիր հիմնելու համար

«ԵՄ ԹՈՒՄՈ ինժեներական և կիրառական գիտությունների համալիրը» լինելու է հետազոտությունների, կրթության և ստարտափների հանգույց, որն իր շուրջ է հավաքելու տեղական և միջազգային գործընկերների` Հայաստանում բարձրագույն կրթության և արդյունաբերության միջև բացը լրացնող կամուրջ ստեղծելու համար:

«Արմենպրես»-ի հաղորդմամբ`  նախագծի մեկնարկը տրվեց մարտի 19-ին «Թումո» ստեղծարար տեխնոլոգիաների կենտրոնում:

ԵՄ պատվիրակության ղեկավար, դեսպան Պյոտր Սվիտալսկին շեշտեց, որ այս նախաձեռնության, ծրագրի միջոցով կփորձեն ամրապնդել կապը արդյունաբերության և գիտության միջև:

«Տասը օր առաջ ՀՀ վարչապետ Նիկոլ Փաշինյանը շատ հաջողված այցելություն ունեցավ Բրյուսելում, որտեղ նա հանդիպեց Եվրամիության ղեկավարների հետ: Ես այստեղ եմ եկել, որպեսզի իրականություն դարձնենք այն բոլոր համաձայնությունները, որոնք ձեռք են բերվել Բրյուսելում և դրամաշնորհ ենք տրամադրել այդ նպատակով»,-նշեց Եվրոպական հանձնաժողովի Հարևանության և ընդլայնման բանակցությունների գլխավոր տնօրինության Արևելյան հարևանության հարցերով տնօրեն Լոուրենս Մերեդիթnն:

Նա շեշտեց, որ մարտի 18-ին միջազգային հանրության հեղինակավոր ներկայացուցիչների հետ այցելել է Թումո և քննարկել  էներգոարդյունավետության  հետ կապված բազմաթիվ հարցեր: «ՀՀ փոխվարչապետերի  հետ իմ հանդիպումների արդյունքում ես կարող եմ վերահաստատել, որ էներգաարդյունավետությունն այն ուղղությունն է, որն օգուտներ կարող է բերել Հայաստանի քաղաքացիներին: Շեշտեմ, որ մենք պատրաստ ենք աշխատել  նաև Սևանա լճի հիմնախնդիրների լուծման ուղղությամբ, քննարկել ենք  ոստիկանական համակարգում բարեփոխումներ իրականացնելու վերաբերյալ հավակնոտ մի ծրագիր»,-ընդգծեց Մերեդիթnն:

ՀՀ ԿԳ նախարար Արայիկ Հարությունյանի խոսքով՝ հետազոտությունը և նորարարությունը պետք է գան բուհեր, բարձրագույն կրթության ոլորտ, և այս  նախագիծը նման հնարավորություններից մեկն է:

«Եվրամիությունը հանուն նորարարության նախագծի շրջանակում «ԵՄ ԹՈՒՄՈ ինժեներական և կիրառական գիտությունների համալիր» հիմնելուց բացի կա ևս մեկ բաղադրիչ, որը հանրակրթության ոլորտում STEM առարկաների չափորոշիչների մշակումն է, դրանց փորձարկումն է, ուսուցիչների վերապատրաստումն է: Առաջիկա  տարիներին ծրագիրը հաջողությամբ ավարտելու դեպքում մենք միանգամայն այլ իրավիճակ կունենանք հանրակրթության ոլորտում»,-ասաց նախարարը:

Թումոյի զարգացման գծով տնօրեն Բեկոր Փափազյանը ներկայացրեց նախագիծը, ինչին հետևեց համագործակցության մասին համաձայնագրի խորհրդանշական ստորագրությունը:  «Շատ ոգևորված ենք, որ Հայաստանում ստեղծելու ենք համաշխարհային կարգի STEM էկոհամակարգ, որտեղ բարձր տեխնոլոգիաների ոլորտի մասնագետների հաջորդ սերունդը կարող է սովորել և նորարարությամբ զբաղվել»,-ասաց նա:

Այս նոր նախագիծը կհիմնի STEM (գիտություն, տեխնոլոգիա, ճարտարագիտություն, մաթեմատիկա) համակարգի ուսանողների և երիտասարդ մասնագետների առաջադեմ կրթական կենտրոն՝ նրանց աշխատաշուկայում մրցունակ լինելու նախապատրաստելու համար, ինչպես նաև հարթակ կստեղծի գոյություն ունեցող նախաձեռնությունների (ինկուբատորներ, աքսելերատորներ, համալսարաններ և արդյունաբերություն) համար` բոլոր շահառուների միջև համագործակցություն և կապեր ստեղծելու նպատակով:

Այս նախագծում կիրառվող ուսումնական մոտեցումը շեշտը հմտությունների վրա է՝ հիմնված գործնական կրթության վրա, որը կարող է լրացնել տեղական համալսարանական համակարգի ապահոված տեսական և ակադեմիական կրթությունը: Այն հիմնված է երկու գաղափարների համակցության վրա` Ա) Նախագծահեն ուսումնառություն և Բ). Just in time learning` նպատակային ուսուցում:

Նախագծահեն ուսումնառությունը ենթադրում է ուսանողների և երիտասարդ մասնագետների ներգրավումը առաջատար, իրական տեխնոլոգիական նախագծերում, որը կտա շոշափելի, մրցակցային արդյունք` որպես հմտությունների և փորձառությունների փոխանցման ամենաարդյունավետ միջոց, մասնավոր կազմակերպության հովանավորությամբ: Նպատակային ուսուցման հիմքում նախագծի համար հարմարեցված դասընթացների միջոցով ուսանողներին վերը նշված նախագծերում մասնակցելուն նախապատրաստելու գաղափարն է: 

Նախագծի նպատակն է ամրապնդել կապը գիտակրթական ոլորտի և ՏՏ/ճարտարագիտական արդյունաբերության միջև, նպաստել Հայաստանի բարձրագույն կրթության համակարգի փոփոխություններին, ապահովել ընդհանուր հետազոտական հարմարություններ և նախագծահեն ուսումնառություն, որը հասանելի կլինի STEM համակարգի բոլոր հայ ուսանողներին: Հետազոտությունների և արդյունաբերության միջև կապը ամրապնդելու համար՝ կենտրոնը ստարտափներին և փոքր տեխնոլոգիական կազմակերպություններին կապահովի ինկուբատորային հարմարություններով: 

Ծրագրի գործընկեր Թումո ստեղծարար տեխնոլոգիաների կենտրոնը անկախ հիմնադրամ է, որը ներկայումս կրթում է 14,000 ուսանողի (12-18 տարեկան) անվճար, արտադպրոցական ծրագրի շրջանակներում՝ թվային տեխնոլոգիաների և դիզայնի ոլորտներում:

Կարճ հասցե: geek.am/u/5832.html
Հայաստան Թումո ստարտափներ Եվրամիություն Հայաստան

Latest News

1 2 3 4 5 >
Ամբողջը` 2962 : Ցուցադրված է` 1 - 15 :

Tech

image

Արինա Առուստամյանը նշանակվել է Beeline-ի կոմերցիոն տնօրենի պաշտոնում

Beeline-ում կոմերցիոն տնօրեն է նշանակվել Արինա Առուստամյանը, ով մինչ այդ մի քանի ամիս կատարում էր կոմերցիոն տնօրենի պարտականությունները որպես ժամանակավոր պաշտոնակատար: Նա աշխատում է  ընկերությունում 2008 ...

Code

image

Ծրագրավորման ֆունդամենտալ դասընթացներ

Ալան Թյուրինգի անվան Ծրագրավորման Փիլիսոփայության դպրոցը, Hero House֊ի և Երևանի Գլաձոր Համալսարանի համատեղ սկսում է ծրագրավորման ֆունդամենտալ դասընթաց, որը միտված է համաշխարհային մակարդակի մասնագետներ պատրաստելուն։ Դպրոցի ...

Web

image

Հաքերային հարձակման ենթարկված ՀՀ ԱԺ կայքի թերությունները վերացվել են

Ադրբեջանական հաքերների կողմից հունվարի 26-ին ՀՀ ԱԺ պաշտոնական կայքը ենթարկվել է հարձակման։ «Արմենպրես»-ի հաղորդմամբ՝ այս մասին ֆեյսբուքյան  գրառման միջոցով հայտնել է ԱԺ աշխատակազմի ղեկավարի տեղակալ Արսեն ...

Mobile

image

Beeline. Էջմիածնում գործարկվել է 4G ցանց

Beeline-ը հայտարարում է չորրորդ սերնդի բջջային ցանցի գործարկման մասին Էջմիածնում: Այժմ քաղաքի բնակիչները կարող են օգտվել շարժական ինտերնետից մինչև 100 Մբ /վ արագությամբ: Beeline-ի 4G բազային ...

Business

image

ՎԵՈՆ-ը հրապարակել է խմբի սոցիալական պատասխանատվության հաշվետվությունը

ՎԵՈՆ խումբը (գլխամասը՝ Ամստերդամում) հրապարակել է տարեկան սոցիալական պատասխանատվության հաշվետվությունը, որում ներկայացված է խմբի առաջխաղացումը և դրական ազդեցությունը՝ ներկայացված երկրների հասարակությունների վրա: Մասնավորապես, ներկայացված են հիմնական ...

Various

image

Beeline-ի շարժական կապի բաժանորդները կարող են անվճար օգտվել մի շարք պետական կայքերից

Կորոնավիրուսի դեպքերի հայտնաբերման հետ կապված Հայաստանում Beeline-ն իր բաժանորդներին հնարավորություն է տրամադրում բջջային կապով անվճար (առանց ինտերնետի ծախսի) օգտվել մի շարք պետական մարմինների ինչպես նաև ...

Bloggers

Վահագն Օհանջանյան
Newsmaker Geek
Samvel Chakhalyan
Beeline Armenia
Ինտերակտիվ
Ucom
Viva-MTS