Պրոֆեսոր Հիրոշի Իշիգուռոն Տոկիոյի առաջադեմ տեխնոլոգիաների Ազգային թանգարանում ներկայացրել է աշխարհում առաջին ռոբոտ-հաղորդավարուհուն, որը կարողանում է լրատվական հաղորդումներ վարել: Այն դեռևս կարելի է տեսնել միայն թանգարանում, քանի որ Իշիգուռոն ցանկանում է լրացուցիչ տվյալներ հավաքել իր հայտնագործության վերաբերյալ մարդկանց արձագանքների մասին: 

Բացի այդ, պրոֆեսորը ցանկանում է հասկանալ՝ արդյո՞ք նպատակահարմար է ներկայացնել այն մասսայական վաճառքի, քանի որ ռոբոտը կարող է օգտագործվել նաև դասախոսություններ վարելու նպատակով, ինչը կարժեզրկի դասախոսների մատուցած ծառայությունները: 

Ռոբոտի տեխնիկական հնարավորություններին ծանոթանալու համար առաջարկում ենք դիտել ներկայացված տեսանյութը: