Աշխարհում կան ընկերություններ, որոնք փորձում են արտադրել միաժամանակ երկու օպերացիոն համակարգով աշխատեղ սմարթֆոն: Այսպիսով հնդկական Karbonn Mobiles ընկերությունը Microsoft-ից թույլտվություն է ստացել աշխատելու մի սմարթֆոնի մշակման ուղղությամբ, որը միաժամանակ աշխատելու է երկու` Windows և Android օպերացիոն համակարգերով:

The Times of India-ն տեղեկացնում է, որ Karbonn-ում ստորագվել են Microsoft-ի արտոնագրերի ձեռքբերմանն առնչվող բոլոր փաստաթղթերը, համաձայն որի Windows և Android հարթակներով սմարթֆոնների շարքի թողարկումը կմեկնարկի 6 ամսից: Հայտի է, որ այս սմարթֆոնները հիմնականում նախատեսված են այն մարդկանց համար, ովքեր ցանկանում են տնտեսել տարբեր օպերացիոն համակարգերով սարքավորումներ գնելու հարցում:

Ընկերության ղեկավարությունը հայտնել է, որ Microsoft-ը համաձայն է այլ ընկերությունների համար հեշտացնել իր բջջային հարթակի օգտագործումը: Սպասվում է, որ մինչ սույն թվականի երկրորդ եռամսյակի ավարտը կցուցադրվեն հնդկական արտադրության սմարթֆոնների շարքի առաջին նմուշները: