
Արթուր Ջանիբեկյանը և «Սիսայդ Ստարտափ Սամմիթի» համահիմնադիրները մեկնարկում են «Triple S» վենչուրային ֆոնդը
Աշխարհում առաջին ծովափնյա ստարտափ-ճամբարից մինչև գլոբալ վենչուրային ֆոնդ․ հեռուստատեսային պրոդյուսեր, մեդիա մենեջեր, բարերար և ձեռներեց Արթուր Ջանիբեկյանը, «Սիսայդ Ստարտափ Սամմիթի» համահիմնադիրներ՝ Հակոբ Հակոբյանի և Ավագ Սիմոնյանի հետ հիմնել են նոր միջազգային վենչուրային ընկերություն՝ Triple S Ventures-ը:
Triple S-ը ակտիվ գործունեություն է ծավալում Հայաստանում և սփյուռքում։ Ֆոնդը թիրախավորում է ստարտափներին նախասաղմնային (Pre-seed) կամ սաղմնային (Seed) փուլում։ Ներդրումները կենտրոնացված կլինեն արհեստական բանականության (AI), ֆինտեխի (Fintech), SaaS հարթակների, ստեղծարար տնտեսության (Creator economy) և Blockchain տեխնոլոգիաների ոլորտներում:
TripleS-ի հիմնադիր Արթուր Ջանիբեկյանը վերջին տարիներին արդեն ներդրումներ է կատարել ավելի քան 15 ստարտափներում և հետաքրքրված է նորարարական ստարտափ մշակույթի զարգացմամբ։
«Մեծ ՏՏ ներուժ կա ոչ միայն Հայաստանում, այլև աշխարհասփյուռ հայ երիտասարդության շրջանում։ Ցանկանում ենք բացահայտել երիտասարդ, կենսունակ ձեռներեցների և օգնել նրանց գաղափարները դարձնել իրականություն։ Մեր ներդրումն այս գործում կլինի ոչ միայն ֆինանսական միջոցներ տրամադրելը, այլև մենթորների և մասնագիտական մեծ ցանցերի հետ կապի ապահովումը։
TripleS-ը ստարտափերներին կառաջնորդի ձեռներեցության աշխարհում։ Մեդիա աշխարհում իմ մեծ փորձառությունը ցույց է տվել, որ մարդկանց և մարդկային ռեսուրսների ընտրության հարցում նուրբ հմտություն և ինտուիցիա ունեմ։ Սա համարում եմ նաև իմ հաջողության հիմնական գրավականներից մեկը։ Սա մեծ բանի փոքր սկիզբն է, համախմբվել է տաղանդավոր մարդկանց հսկայական ներուժ։ Ձևավորվում է հաջողակ ձեռներեցների ակումբ, որոնք իրենց գումարները ցանկանում են ներդնել նորարարական գաղափարներում», – ասում է TripleS-ի հիմնադիր Արթուր Ջանիբեկյանը։
Triple S-ը համախմբելու է միջազգային ձեռներեցների, ներդրողների, փորձագետների և մենթորների, որոնք կբացահայտեն տաղանդավոր երիտասարդներին, կառաջանորդեն նրանց գաղափարները իրագործելու ճանապարհին, կստեղծվի ցանց, որտեղ երիտասարդները կստանան իրավական, մարքեթինգային և ֆինանսական գիտելիքներ ու փորձառություն:
«Մենք ամեն տարի կազմակերպում ենք մասշտաբային ստարտափ միջոցառումներ, ինչպիսին հենց Seaside Startup Summit-ն է։ Տեղական վենչուրային հիմնադրամները, հրեշտակ ներդրողները, ինչպես նաև միջազգային աքսելերացիոն մի շարք ծրագրեր երկար տարիներ է ինչ օգտագործում են այս հավաքը՝ որպես ստարտափներ բացահայտելու աղբյուր։ Այժմ ֆոնդը ստեղծում է հարթակ, որը համախմբելու է էկոհամակարգի բոլոր հաջողակ ձեռներեցներին, որոնց աշխատանքի առանցքում մարդն ու մարդու ստեղծած արժեքն է», – նշում է TripleS-ի համահիմնադիր Հակոբ Հակոբյանը։
«Վերջին 5 տարիներին հայաստանյան ստարտափ էկոհամակարգում տեղի են ունենում հիպերակտիվ փոփոխություններ և կարևոր է, որ արդեն հաջողակ ձեռներեցներն առաջնորդություն ստանձնեն նոր ստարտափների կարողությունների զարգացման ճանապարհին։ Մեր ֆոնդը կարևորում է ներդրումները մասշտաբային և խոստումնալից նախագծերի մեջ: Ներդրումներ ենք անելու թե միջազգային, թե հայկական ընկերություներում։ Հիմնադրամը կաջակցի այն ստարտափներին, ովքեր արժեք կավելացնեն և կնպաստեն հայկական բարձր տեխնոլոգիական էկոհամակարգի զարգացմանը», – մեկնաբանում է TripleS-ի համահիմնադիր Ավագ Սիմոնյանը։
«Ֆոնդում միավորել ենք հաջողության հասած մեր փորձառու ձեռներեց-գործընկերներին, ովքեր միջազգային տեխնոլոգիական աշխարհում մեծ փորձ ունեցող գուրուներ են։ TripleS-ում խոստումնալից թիմերը օգտվելու են այն հմտություններից, գիտելիքներից և փորձից, որը կուտակել ենք տարիների ընթացքում, ինչն էլ հնարավորություն կտա այդ ստարտափներին զարգանալ արագ տեմպերով»,- ասաց ֆոնդի գործընկեր Զարե Բաղդասարյանը։
Triple S-ը մոտ օրերս կմեկնարկի նաև ԱՄՆ-ում՝ հարավային Կալիֆորնիայում։ Հետագայում նախատեսվում է ընդլայնվել ԵՄ և Մեծ Բրիտանիայի շուկաներում: Վենչուրային ֆոնդը բաց է նոր առաջարկների ու համագործակցությունների համար։
Հիմնադրամի պաշտոնական կայքը https://triples.vc/en
-
17:36 17/12/21Beeline-ի #ՇԵՅՔԸ վերադառնում է ամանորյա նվերների շքերթով
-
19:49 24/11/21Team Telecom Armenia-ն նախատեսում է հանդես գալ բաժնետոմսերի հրապարակային տեղաբաշխման առաջարկով (IPO)
-
12:10 30/10/21«Թիմը» DigiTec-ում ներկայացնում է IT աշխարհի ամենահետաքրքիր ձեռքբերումները և ընկերության առաջադեմ ծառայությունները
-
22:07 22/10/21Team Telecom Armenia-ն դարձավ SSSholidays-ի գլխավոր հովանավոր
-
13:08 29/06/22Ucom. «Ղարաբաղ Տելեկոմի» ցանցում ռոումինգի սակագները վերականգնվում են
-
17:03 09/02/22Սիրո տոների առթիվ Ucom-ում գործում են զեղչեր մի շարք սարքավորումների վրա
-
17:19 15/10/21Ucom-ում պաշտոնապես մեկնարկել է iPhone 13-ի վաճառքը
-
18:19 23/09/21Ucom-ում գործում է «Մատչելին՝ զեղչով» առաջարկը
-
14:19 28/06/22Վիվա-ՄՏՍ. Փոփոխություններ «Ղարաբաղ Տելեկոմ» ցանցում ռոումինգ ծառայության պայմաններում
-
19:29 12/10/21Վիվա-ՄՏՍ. «iPhone 13» և «iPhone 13 Pro»-ի վաճառքին մնացել են հաշված օրեր
-
18:58 28/09/20Շարժական կապի օպերատորների համատեղ հայտարարությունը
-
18:57 13/08/20Վիվա-ՄՏՍ. «Լիցք+». այժմ արդեն մինչև 2000 Դ չափով
-
12:15 11/08/192019թ. առաջին կիսամյակում ՀՀ խոշոր հեռահաղորդակցական ընկերությունների մուծած հարկերի ծավալը նվազել է մոտ 23.07%-ով
-
16:27 03/05/19Ռոստելեկոմ. նոր առաջարկ՝ երեք ամիս կես գնով
-
13:56 04/12/18Ռոստելեկոմ․ Հայտնի են STARTUP BOOST WEEKEND Vol3 նախագծի հաղթողները
-
16:07 27/09/18Ռոստելեկոմը ռեբրենդինգ է իրականացրել
-
11:45 04/07/22Հայաստանի խոշոր հարկատու տեխնոլոգիական ընկերությունները. 2022թ. հունվար-մարտ
-
11:10 05/10/21ռեԱրմենիա. Միասնական տեխնոլոգիական հարթակ՝ խնդիրներ բարձրաձայնելու, լուծումներ գտնելու և իրագործելու համար
-
16:04 27/08/21Picsart-ը ներգրավեց 130 մլն դոլար, հայկական «ստարտափն» այժմ գնահատվում է 1 մլրդ դոլարից ավել
-
18:58 26/04/21Հայաստանի խոշոր հարկատու տեխնոլոգիական ընկերությունները. 2021թ. հունվար-մարտ