242
«Հայաստան - Ինժեներական շաբաթ»-ի շրջանակում ստորագրվել են փոխըմբռնման հուշագրեր

«Հայաստան - Ինժեներական շաբաթ»-ի շրջանակում ստորագրվել են փոխըմբռնման հուշագրեր

Այսօր Երեւանում ՀՀ կառավարության, «Ձեռնարկությունների ինկուբատոր» հիմնադրամի և Ինժեներական ասոցիացիայի նախաձեռնությամբ մեկնարկել է «Հայաստան - Ինժեներական շաբաթ» խորագրով միջոցառումների շարքը, որի շրջանակում փոխըմբռնման երկու հուշագիր է ստորագրվել։

Առաջին հուշագիրը ստորագրվել է Միավորված ազգերի կազմակերպության Աֆրիկայի տնտեսական հանձնաժողովի եւ «Ձեռնարկությունների ինկուբատոր» հիմնադրամի  միջեւ։

Հուշագիրը ստորագրել են Միավորված ազգերի կազմակերպության Աֆրիկայի տնտեսական հանձնաժողովի տեղեկատվական տեխնոլոգիաների և նորարարության բաժնի տնօրենի պաշտոնակատար Ալմուստաֆա Ամադու Սիսսեն և ՁԻՀ տնօրեն Բագրատ Ենգիբարյանը:

Ալմուստաֆա Ամադու Սիսսեի խոսքով, Ինժեներական շաբաթը հարմար առիթ է հուշագրի ստորագրման եւ գործողությունների պլան կազմելու առումով։

«Վերջերս Հայաստանի արտգործնախարարն այցելեց Եթովպիա եւ հանդիպում ունեցավ Աֆրիկայում ՄԱԿ-ի Տնտեսական Հանձնաժողովի ներկայացուցիչների հետ: Ադիս Աբեբայի համալսարանի և ՁԻՀ-ի միջև ստորագրվեց հուշագիր, ապա հաջորդեցին հետեւողական քննարկումները, կազմվեց համագործակցությանն ուղղված գործողությունների ծրագիր՝ ուղղված Եթովպիայում Հայաստանի ազգային  ինժեներական լաբորատորիաների հաջողված կրթական ծրագրի համատեղ  իրականացմանը, ինժեներական ստարտափ էկոհամակարգի ձևավորմանը, համատեղ հետազոտությունների իրականացմանը»,- նշել է Ալմուստաֆա Ամադու Սիսսեն։

Երկրորդ հուշագիրը ստորագրվել է Հայաստանում ֆրանսիական համալսարանի, «Ձեռնարկությունների ինկուբատոր» հիմնադրամի եւ Ինժեներական ասոցիացիայի միջեւ։

Հուշագիրը ստորագրել են Հայաստանում Ֆրանսիական Համալսարանի ռեկտոր Ժան-Մարկ Լավեստը, Ինժեներական Ասոցիացիայի նախագահ Արամ Սալաթյանը և «Ձեռնարկությունների ինկուբատոր» հիմնադրամի տնօրեն Բագրատ Ենգիբարյանը՝ Հայաստանում Ֆրանսիայի դեսպան Ժոնաթան Լաքոտի հովանու ներքո:

«Ֆրանսիական համալսարանն այսուհետ հատուկ ուշադրություն է դարձնելու ինժեներական կրթությանը։ Նշեմ, որ Ինժեներական քաղաքում է տեղադրվելու այն սուպեր համակարգիչը, որը նվիրատվություն է Թուլուզի համալսարանի կողմից։ Այս հուշագրով ֆիքսվում են այն հստակ քայլերը, որոնք ուղղված կլինեն բովանդակության ստեղծմանը, համատեղ ծրագրերի իրականացմանը։ Սա նաեւ կնպաստի Ֆրանսիական համալսարանի ուսանողների համար արտադրական ոլորտի ուղիղ կապի ստեղծմանը՝ հանձինս Ինժեներական քաղաքում տեղակայված ընկերությունների»,- նշել է Հայաստանում Ֆրանսիայի դեսպան Ժոնաթան Լաքոտը։ 

Հայաստանում Ֆրանսիական Համալսարանի ռեկտոր Ժան-Մարկ Լավեստը եւս կարեւորել է Հայաստանում ֆրանսիական համալսարանի, ՁԻՀ-ի եւ Ինժեներական ասոցիացիայի միջեւ համագործակցության մեկնարկը։

«Հուշագիրը նախատեսում է համատեղ բարձր տեխնոլոգիական կրթական ծրագրերի իրականացում, Հայաստանում և Ֆրանսիայում գործող համալսարանների միջև համագործակցության հնարավորությունների ձևավորում, երկու երկրների հետազոտական կենտրոնների եւ մասնավոր հատվածի միջեւ համատեղ ծրագրերի և նախաձեռնությունների իրականացմանն ուղղված քայլեր, ինչպես նաև ուսանողների և դասախոսների փորձի փոխանակման հնարավորություններ այնպիսի ոլորտներում, ինչպիսիք են Տվյալագիտությունը, Իրերի Ինտերնետը, Համակարգային ճարտարագիտությունը»,- տեղեկացրել է Ժան-Մարկ Լավեստը:

«Հայաստան - Ինժեներական շաբաթ» խորագրով միջոցառումների շարքը կանցկացվի Երևանում և Վանաձորում հունիսի 24-28-ին եւ կհամախմբի շուրջ 500 մասնակցի՝ աշխարհի տարբեր երկրների պետական, գիտահետազոտական, կրթական կազմակերպություններից, նորաստեղծ և կայացած ինժեներական ընկերություններից։

Կարճ հասցե: geek.am/u/5895.html
Հայաստան Հայաստան Ձեռնարկությունների ինկուբատոր հիմնադրամ Բագրատ Ենգիբարյան

Latest News

1 2 3 4 5 >
Ամբողջը` 2870 : Ցուցադրված է` 1 - 15 :

Tech

image

Beeline. Մինչև 100 Մբ/վրկ Beeline-ի ինտերնետը հասանելի է Ջրվեժում

Beeline-ը հայտարարում է մայրաքաղաքում ֆիքսված ցանցի վերազինման աշխատանքների հերթական փուլի ավարտի մասին: Այժմ նաև Ջրվեժ, Վարդաշեն, Ջրաշեն և Մուշավան թաղամասերի բնակիչները հնարավորություն ունեն միանալու Beeline ...

Code

image

Ծրագրավորման ֆունդամենտալ դասընթացներ

Ալան Թյուրինգի անվան Ծրագրավորման Փիլիսոփայության դպրոցը, Hero House֊ի և Երևանի Գլաձոր Համալսարանի համատեղ սկսում է ծրագրավորման ֆունդամենտալ դասընթաց, որը միտված է համաշխարհային մակարդակի մասնագետներ պատրաստելուն։ Դպրոցի ...

Web

image

Հաքերային հարձակման ենթարկված ՀՀ ԱԺ կայքի թերությունները վերացվել են

Ադրբեջանական հաքերների կողմից հունվարի 26-ին ՀՀ ԱԺ պաշտոնական կայքը ենթարկվել է հարձակման։ «Արմենպրես»-ի հաղորդմամբ՝ այս մասին ֆեյսբուքյան  գրառման միջոցով հայտնել է ԱԺ աշխատակազմի ղեկավարի տեղակալ Արսեն ...

Mobile

image

Ucom-ը տարածաշրջանում առաջինն է գործարկում eSIM տեխնոլոգիան

Այսուհետ Ucom ընկերության շարժական կապի բաժանորդները կկարողանան օգտագործել իրենց iPhone XS, XS Max և XR սմարթֆոնները երկու SIM քարտով միաժամանակ: Apple ընկերության պաշտոնական գործընկեր Ucom-ը ...

Business

image

Ucom. ավարտվել է դրամային և դոլարային պարտատոսմերի տեղաբաշխումը

Ucom ընկերությունն «Արմենբրոկ» ներդրումային ընկերության օժանդակությամբ ավարտել է 11% տարեկան արժեկտրոնային եկամտաբերությամբ դրամային և 7,5% տարեկան արժեկտրոնային եկամտաբերությամբ դոլարային պարտատոմսերի տեղաբաշխման գործընթացը։ Ucom պարտատոմսերի ձեռքբերման ...

Various

image

Beeline-ի Կապի թանգարանը կմիանա «Թանգարանների գիշեր» ակցիային

Հայաստանում Beeline-ը կմիանա «Թանգարանների գիշեր»  միջազգային ակցիային: Մայիսի 18-ին Beeline-ի կապի թանգարանի դռները բաց կլինեն այցելուների համար 11։00-ից մինչև 21։00-ն։ Ակցիայի հիմնական նպատակն է երիտասարդությանը ...

Bloggers

Վահագն Օհանջանյան
Newsmaker Geek
Samvel Chakhalyan
Beeline Armenia
Ինտերակտիվ
Ucom
Vivacell-MTS