![«Կասպերսկի»-ն բացահայտել է Telegram-ում կրիպտոարժույթների և օգտահաշիվների գողության նոր սխեմայի մանրամասները](https://geek.am/pub/uploads/2024/07/telegram-wallet-kyc-scam-1280x842.jpg)
«Կասպերսկի»-ն բացահայտել է Telegram-ում կրիպտոարժույթների և օգտահաշիվների գողության նոր սխեմայի մանրամասները
«Կասպերսկի» ընկերության փորձագետները ռուսալեզու օգտատերերից Telegram-ի օգտահաշիվների և կրիպտոարժույթի գողության սխեմա են հայտնաբերել: Օգտագործելով ֆիշինգային բոտ՝ չարագործները գրոհում են թվային ակտիվների սեփականատերերին, որոնք մեսենջերում կատարում են P2P առևտրի գործարքներ (առևտրի մի տեսակ, որի դեպքում օգտատերերը գործարքներ են կատարում ուղղակիորեն, առանց միջնորդների): Ընկերությունն արդեն մի քանի նման կեղծ բոտեր է հայտնաբերել։
«Կասպերսկի»-ի տվյալներով՝ չարագործները փնտրում են օգտատերերի, ովքեր ցանկանում են Telegram-ի միջոցով P2P առևտրի շրջանակներում գործարքներ կատարել կրիպտոարժույթով, և նրանց հետ կապի մեջ են մտնում գործարքի իրականացման պատրվակով։ Բայց ամենասկզբում պոտենցիալ զոհին հայտնում են, որ անվտանգության մակարդակը բարձրացնելու և կարգավորողների պահանջները պահպանելու համար իբր անհրաժեշտ է անցնել KYC ստուգում (ֆինանսական գործարքներ կատարելիս ինքնությունը հաստատելու կարգ), հակառակ դեպքում կրիպտոդրամապանակը կսառեցվի: Դա առաջարկում են անել «նույնականացման» հատուկ ծառայության միջոցով, որի հղումն ուղարկում են խարդախները: Իրականում այս կերպ նրանք մարդուն խաբեությամբ բերում են ֆիշինգային բոտ:
Հենց կրիպտոարժույթ ունեցողն անցնում է բնորոշ անվանումով Telegram բոտ (օրինակ՝ Wallet KYC), նրան առաջարկում են մուտք գործել իր Telegram հաշվի միջոցով: Դա անելու համար խնդրում են անջատել երկգործոն նույնականացումը մեսենջերում և հաստատել այդ գործողությունը՝ սեղմելով համապատասխան կոճակը: Հետո պետք է հաղորդել Telegram մուտքի իրավազորման կոդը, որը կգա պաշտոնական ծառայությունից: Գործնականում այս ամենն անհրաժեշտ է, որպեսզի գողանան զոհի մեսենջերի օգտահաշիվը և հնարավորություն ստանան նրա անունից P2P գործարքներ կատարել։ Telegram-ում անձի օգտահաշվի միջոցով խարդախները հասանելիություն են ստանում նրա Telegram Wallet կրիպտոարժույթի դրամապանակին: Արդյունքում առաջանում է ոչ միայն օգտահաշվին հասանելիությունը, այլև կրիպտոարժույթ կորցնելու ռիսկ։
«Համոզիչ լինելու համար չարագործները հաճախ վկայակոչում են օրենսդրության պահանջները՝ իրական և հորինված։ Օգտատերերը պետք է վերստուգեն տեղեկատվությունը նախքան զրուցակցի առաջարկին արձագանքելը: Բացի այդ, ամեն դեպքում, անկախ լեգենդից, մարդուն պետք է զգաստացնի երկգործոն նույնականացումն անջատելու և մուտքի իրավազորման համար մեկանգամյա կոդը հայտնելու խնդրանքը. դա խարդախության ակնհայտ նշան է»,- մեկնաբանում է «Կասպերսկի» ընկերության բովանդակության ավագ վերլուծաբան Օլգա Սվիստունովան:
«Կասպերսկի»-ի մասնագետները խորհուրդ են տալիս.
- քննադատաբար վերաբերվել ինտերնետի ցանկացած տեղեկատվության, հատկապես, եթե այն վերաբերում է ֆինանսական գործարքներին.
- բաց աղբյուրներում փնտրել առաջարկվող ծառայությունների վերաբերյալ տեղեկատվություն, ուշադիր կարդալ օգտատերերի արձագանքները. եթե չի հաջողվում գտնել որևէ տվյալ, ավելի լավ է ռիսկի չդիմել.
- օգտագործել երկգործոն նույնականացում և ոչ մեկին չհայտնել Telegram և այլ հավելվածներ մուտքի իրավազորման մեկանգամյա կոդերը.
- տեղադրել հուսալի պաշտպանական լուծում, ինչպիսին է Kaspersky Premium-ը, որը կզգուշացնի ֆիշինգի և սկամ-ռեսուրսներ անցման փորձի դեպքում:
-
11:18 05/09/24Հայկ Եսայան. Հայաստանը Cloud լուծումներ առաջարկելու լուրջ հեռանկարներ ունի
-
14:11 23/08/24Շուրջ 100 000 տնային տնտեսություն օգտվում է Team Telecom Armenia-ի ինտերնետից․ 2-րդ եռամսյակի ցուցանիշներ
-
16:53 15/08/24Team Telecom Armenia-ն դարձել է Գիտության շաբաթվա գլխավոր գործընկերը
-
12:27 31/07/24Թումո ճամբարն ու Team-ը տեխնոլոգիական ամառային փորձառություն նվիրեցին արցախցի պատանիներին
-
15:03 06/12/23Հայաստանից ամենաշատ ներբեռնվող հավելվածները. 06/12/2023
-
14:28 05/09/23Հայաստանից ամենաշատ ներբեռնվող հավելվածները. 04/09/2023
-
19:31 22/09/22Level Up միայն ուսանողների համար․ Ucom-ն առաջարկում է ինտերնետի x2 և x3 ծավալ
-
13:08 29/06/22Ucom. «Ղարաբաղ Տելեկոմի» ցանցում ռոումինգի սակագները վերականգնվում են
-
14:19 28/06/22Վիվա-ՄՏՍ. Փոփոխություններ «Ղարաբաղ Տելեկոմ» ցանցում ռոումինգ ծառայության պայմաններում
-
19:29 12/10/21Վիվա-ՄՏՍ. «iPhone 13» և «iPhone 13 Pro»-ի վաճառքին մնացել են հաշված օրեր
-
18:58 28/09/20Շարժական կապի օպերատորների համատեղ հայտարարությունը
-
18:57 13/08/20Վիվա-ՄՏՍ. «Լիցք+». այժմ արդեն մինչև 2000 Դ չափով
-
12:15 11/08/192019թ. առաջին կիսամյակում ՀՀ խոշոր հեռահաղորդակցական ընկերությունների մուծած հարկերի ծավալը նվազել է մոտ 23.07%-ով
-
16:27 03/05/19Ռոստելեկոմ. նոր առաջարկ՝ երեք ամիս կես գնով
-
13:56 04/12/18Ռոստելեկոմ․ Հայտնի են STARTUP BOOST WEEKEND Vol3 նախագծի հաղթողները
-
16:07 27/09/18Ռոստելեկոմը ռեբրենդինգ է իրականացրել
-
12:11 14/02/24Picsart-ն ամենաորոնվածն է App Store-ում
-
14:59 02/06/23TalkAround․ Գեներատիվ AI-ը գործնականում. մարտահրավերներ և հնարավորություններ
-
21:00 26/03/23Հայկական Picsart-ը՝ Forbes-ի 14 ուշագրավ ու խելահեղ արհեստական բանականության գործիքների շարքում
-
16:48 03/02/23Հայկական Picsart-ն աշխարհի 20 լավագույն հավելվածների շարքում է