Դեկտեմբեր, 2022
December 2022
M T W T F S S
 1234
567891011
12131415161718
19202122232425
262728293031  
ԱՏՁՄ-ն պահանջում է բացատրություն ռազմաարդյունաբերության ոլորտում գիտահետազոտական աշխատանքների 400 մլն դրամը պահուստային ֆոնդ ուղղելու կապակցությամբ
06/11/2022 16:55

ԱՏՁՄ-ն պահանջում է բացատրություն ռազմաարդյունաբերության ոլորտում գիտահետազոտական աշխատանքների 400 մլն դրամը պահուստային ֆոնդ ուղղելու կապակցությամբ

Սույն թվականի նոյեմբերի 3-ին ՀՀ Կառավարության թիվ 1703-Ն որոշման համաձայն շուրջ 1․2 մլրդ դրամ ուղղվում է պետական պահուստային ֆոնդ՝ ներառյալ շուրջ 400 մլն դրամը, որը նախատեսված է եղել հայկական ռազմաարդյունաբերական ոլորտի գիտահետազոտական և փորձակոնստրուկտորական աշխատանքների համար։ Առաջատար տեխնոլոգիաների ձեռնարկությունների միությունը (ԱՏՁՄ) իր մտահոգությունն է հայտնում տվյալ որոշման կապակցությամբ։

«Ներկա իրավիճակում, երբ երկիրը կանգնած է անվտանգային խիստ մարտահրավերների առաջ, իսկ ռազմարդյունաբերական ոլորտում գործող ընկերությունները փնտրում են մասնավոր ներդրումներ, որպեսզի կարողանան ապահովել իրենց ամենօրյա բնականոն կենսագործունեությունը և հայկական ռազմարդյունաբերական ոլորտի զարգացումը, ոլորտը պետական կառույցներից սպասում է այլ գործելաոճ։ Կայացված որոշումը առավել անհասկանալի է, երբ հաշվի ենք առնում այն հանգամանքը, որ պետական բյուջեի ծախսային կատարողականը շատ ցածր է։

Ստեղծված իրավիճակում ԱՏՁՄ-ն մտահոգություն է հայտնում, որ տվյալ միտումը դառնում է ավանդական վտանգավոր վարքագիծ և պահանջում է ՀՀ ԲՏԱ նախարարության հստակ բացատրությունն ու հիմնավորումը», – նշվում է ԱՏՁՄ հայտարարության մեջ։