Accurat դիզայն-ստուդիան գործարկել է սոցցանց, որտեղ բոլոր ցանկացողները կկարողանան կապ հաստատել առաջին իտալուհի տիեզերագնաց Սամանտա Քրիստոֆորետտիի հետ: Սոցիալական ցանցը ստացել է Friends in Spase անվանումը: 

Սոցցանցի վեբ տարբերակ մուտք գործելու համար օգտատերերը պետք է օգտվեն իրենց Twitter, Facebok կամ Google+ օգտահաշիվներից: Կապի բացակայության դեպքում միմյանց կարելի է ողջունել «Hello» կոճակի միջոցով: 

Սոցցանցում, բացի Սամանտայի հետ շփվելուց, կարելի է դիտել նրա տեսաձայնագրությունները, որտեղ վերջինս պատմում է տիեզերական կայանում կյանքի մասին: 

Նշենք, որ Քրիստոֆորետտին սոցիալական ցանցերի ակտիվ մասնակից է, այնպես որ կարող եք հետևել նրա Google+ օգտահաշվի պարբերաբար թարմացվող տեսանյութերին: