Google-ը հերթական անգամ հանդես է եկել համացանցի համար բավական օգտակար նախաձեռնությամբ: Որոնողական հսկայի նախաձեռնությամբ ստեղծվել է Noto տառատեսակների ընտանիքը, որի մեջ ներառված են աշխարհի գրեթե բոլոր լեզուներով տառատեսակներ: Նախագծի իրականացման նպատակն է ստանալ գեղեցիկ և ժամանակից տառատեսակներ, որոնք տարբեր լեզուներում միանման կլինեն: Սա անչափ պետքական կլինի բազմալեզու նախագծերի համար, որոնք շատ հաճախ խնդիրներ են ունենում միանման տառատեսակներ ընտրելու հարցում:

Նշենք, որ տառատեսակները անվճար են, դրանք կարելի է բեռնել նախագծի կայքից՝ http://www.google.com/get/noto/: Կայքում ներբեռնվող քարտեզի վրա պատկերված են այն երկրները, որոնց լեզվով առկան են Noto տառատեսակներ:

Հավելենք, որ այս նախագծի շրջանակներում ստեղծվել է հայկական երկու բավական գեղեցիկ տառատեսակ՝ Noto Sans Armenian և Noto Serif Armenian, որոնք նույնպես կարելի է ներբեռնել նախագծի կայքից: