252
2501
Ucom. գործարկվեց ինտերակտիվ մեթոդների և հեռավար ուսուցման stem.am առցանց հարթակը

Ucom. գործարկվեց ինտերակտիվ մեթոդների և հեռավար ուսուցման stem.am առցանց հարթակը

Օրերս Ucom ընկերության, «ՍՏԵՄ ծրագրերի կենտրոն» և «Ինտերնետ հանրություն» կազմակերպությունների աջակցությամբ Վանաձորի Գևորգ Չաուշի անվան թիվ 24 միջնակարգ դպրոցում գործարկվեց ինտերակտիվ մեթոդների և հեռավար ուսուցման stem.am առցանց հարթակը: Պորտալը արտադպրոցական կրթական միջավայրում STEM կարողությունների (Science, Technology, Engineering, Mathematics`գիտություն, տեխնոլոգիա, ճարտարագիտություն, մաթեմատիկա) զարգացման ծրագրի հիմնական ուղղություններից է: Ծրագրի նպատակը STEM կարողությունների զարգացման նոր մոդելի ստեղծումն է կրթության, գիտության և բիզնեսի արդյունավետ համագործակցության ու հնարավորությունների համատեղման միջոցով:

«Այն խնդիրը, որի հետ հաճախ ենք առնչվել ու ցանկանում ենք լուծել այս կայքի միջոցով, ինտերնետի առկայության պարագայում որոշակի չափով լուծում ենք: Շատ հաճախ, երբ մարզերում ու հեռավոր գյուղերում «Արմաթ» ինժեներական լաբորատորիաներ ենք այցելում, նկատում ենք դպրոցներում ուսուցչական կազմի խիստ պակաս: Այս կայքն ստեղծված է հենց այսպիսի բնակավայրերում ապրող երեխաների մոտ գիտելիքի պակասը լրացնելու և հմտությունները զարգացնելու համար», - ասաց Ucom ընկերության գլխավոր տնօրեն Հայկ Եսայանը:

«STEM ծրագրի առավելություններից մեկն այն է, որ երեխաները համակարգչից կօգտվեն ոչ միայն խաղալու, այլև կարևոր գիտելիքներ ստանալու համար: Այն, ինչ չեմ հասցրել սովորել, հասկանալ կամ ընկալել ֆիզիկայի կամ մաթեմատիկայի դասի ընթացքում, կարող եմ տանը այդ կայքում գտնել, մի քանի անգամ դիտել, հասկանալ», - նշեց Վանաձորի Գ. Չաուշի անվան թիվ 24 դպրոցի աշակերտուհի Միլենա Խոյաթյանը:

«Կայքի հետ ծանոթացա ու կարող եմ առանձնացնել բնագիտական հոսքի առարկաների վերաբերյալ նյութերի առկայությունը: Կարևոր է, որ աշակերտները հնարավորություն ունենան թերի մնացած գիտելիքը լրացնել ինքնուրույն, ընդ որում՝ հայալեզու տեսանյութերի ու բացատրական հոդվածների միջոցով: Ռոբոտաշինության, ծրագրավորման վերաբերյալ նյութերի կողքին զետեղված է նաև աստղագիտությանը վերաբերող տեղեկատվություն, որը՝ որպես առարկա, ցավոք, դուրս է մնացել դպրոցական ծրագրից», - մանրամասնեց Վանաձորի Գ. Չաուշի անվան թիվ 24 դպրոցի ինֆորմատիկայի ուսուցչուհի Արմինե Չատինյանը:

«Ծրագրի շրջանակներում գործելու են ծրագրավորման, տիեզերագիտության, մաթեմատիկայի, թռիչքային ապարատների նախագծման կիրակնօրյա ակումբներ: Դրանց արդյունքում ձևավորված կիրակնօրյա դպրոցի դասընթացները կհեռարձակվեն STEM ալիքով և հասանելի կլինեն Հայաստանի բոլոր դպրոցականների համար», - հավելեց STEM ծրագրերի կենտրոնի ղեկավար Հայկազ Բաղյանը:

Կարճ հասցե: geek.am/u/5603.html
Ucom Telecom Հայաստան

Latest News

1 2 3 4 5 >
Ամբողջը` 2711 : Ցուցադրված է` 1 - 15 :

Tech

image

Ucom-ի բոլոր հեռուստադիտողները կվայելեն ամենապահանջված հեռուստասերիալների 4 հեռուստաալիքներ

Հոկտեմբերի 11-ից նոյեմբերի 10-ը uTV բոլոր բաժանորդներն, անկախ բաժանորդագրության փաթեթների տեսակից, հնարավորություն ունեն դիտելու ամենապահանջված հեռուստասերիալների 4 հեռուստաալիքները։ Մասնավորապես՝ բաժանորդները կվայելեն Amedia Premium HD, Spike, ...

Code

image

Ինտերնետում հասանելի կայքերի 30%-ի հիմքում Wordpress-ն է

Համացանցային միտումների վերլուծությամբ զբաղվող W3Techs ընկերության հրապարակված տվյալների համաձայն 2018թ. փետրվարի սկզբի դրությամբ համացանցում հասանելի կայքերի 30%-ի հիմքում Wordpress-ն է։ Նշվում է. որ 2015թ. նոյեմբերին ...

Web

image

Հաքերային հարձակման ենթարկված ՀՀ ԱԺ կայքի թերությունները վերացվել են

Ադրբեջանական հաքերների կողմից հունվարի 26-ին ՀՀ ԱԺ պաշտոնական կայքը ենթարկվել է հարձակման։ «Արմենպրես»-ի հաղորդմամբ՝ այս մասին ֆեյսբուքյան  գրառման միջոցով հայտնել է ԱԺ աշխատակազմի ղեկավարի տեղակալ Արսեն ...

Mobile

image

Ucom-ն իջեցրել է Samsung J և S դասի սմարթֆոնների ողջ տեսականու գները

Ucom-ը շարունակում է ամառային գնիջեցման ֆանտաստիկ երթը։ Այս անգամ կտրուկ իջել են Samsung ապրանքանիշի J և S դասի սմարթֆոնների ողջ տեսականու գները, ընդ որում նաև ...

Business

image

Հայաստանի բիզնես հրեշտակների ցանցը նոր ներդրումներ է ներգրավել

Սեպտեմբերի 27-ին «Հայաստանի բիզնես հրեշտակների ցանցը»/BANA/, Եվրոպական միության «Աջակցություն ՓՄՁ զարգացմանը Հայաստանում» ծրագրի աջակցությամբ իրականացրեց վաղ փուլում գտնվող ընկերությունների զարգացմանն ուղղված ներդրումային կոնֆերանսը, որին ներկա ...

Various

image

Beeline. դպրոցականները կուսումնասիրեն արևային էներգիայի կուտակման տեխնոլոգիան

Beeline-ի և Հայաստանի գործատուների հանրապետական միության (ՀԳՀՄ) համատեղ ծրագրի շրջանակում հինգ դպրոցների աշակերտները ծանոթանում են արևի էներգիայի կուտակման և օգտագործման տեխնոլոգիաներին։ Այս դասերը կազմակերպվում և ...

Bloggers

Վահագն Օհանջանյան
Newsmaker Geek
Samvel Chakhalyan
Beeline Armenia
Ինտերակտիվ
Ucom
Vivacell-MTS