Օգոստոս, 2022
August 2022
M T W T F S S
1234567
891011121314
15161718192021
22232425262728
293031  
ՎիվաՍել-ՄՏՍ. փրկվել է 16 երեխայի կյանք
10/07/2015 11:28

ՎիվաՍել-ՄՏՍ. փրկվել է 16 երեխայի կյանք

Ընթացիկ տարում 16 նորածնի կյանք է փրկվել Սիսիանում: ՎիվաՍել-ՄՏՍ-ի և «BirthLink» ՀԿ-ի համագործակցության արդյունքը գոհացնում է մասնագետներին

Բարդ հղիության և վաղաժամ ծննդաբերության դեպքերը շարունակում են իրենց վրա սևեռել մասնագետների ուշադրությունը: Նրանք կարևոր են համարում նեոնատալ խնամքի բարելավմանն ուղղված ծրագրերը՝ նորածնային մահացության ցուցանիշի կրճատման հարցում:

ՎիվաՍել-ՄՏՍ-ի և «BirthLink» ՀԿ-ի աջակցությամբ, Սիսիանի նորածնային բաժանմունքը շուրջ երկու տարի առաջ է համալրվել բարձրակարգ սարքավորումներով: Համալիր աջակցության արդյունքում՝ այդ ժամանակահատվածում լույս աշխարհ եկած 503 նորածիններից 48-ը կյանքի ուղեգիր են ստացել հենց բարձրակարգ սարքավորումների և բուժանձնակազմի նվիրման շնորհիվ: Միայն ընթացիկ տարվա յոթ ամիսների ընթացքում փրկվել է 16 նորածին:

Ժամանակից շուտ լույս աշխարհ եկած եղբայրները՝ Սլավիկն ու Սուրենը, շուրջ 10 օր գտնվում են Սիսիանի մասնագետների ուշադրության կենտրոնում: Նրանց վիճակն արդեն գնահատվում է բավարար:  Խնդիրներով լույս աշխարհ եկած փոքրիկներին համալիր աջակցություն ցուցաբերելու հարցում առանձնահատուկ կարևորություն են ունեցել վերակենդանացման ջերմահաղորդիչ սեղանիկը, տաքացվող ներքնակը, պուլսօքսիմետրը, օդափոխման համակարգը, hրատապ իրավիճակների համար նախատեսված պայուսակը, ներարկման մխոցներն ու մյուս սարքավորումները: Դրանց առկայության շնորհիվ մասնագետներին հաջողվել է փրկել և կայունացնել փոքրիկների վիճակը:

Արձանագրվող արդյունքն ակնհայտ է՝ նպատակը արդարացված: Հիշեցնենք, որ մայրաքաղաքի և մարզային նորածնային բաժանմունքները գերժամանակակից սարքավորումներով համալրելու ծրագիրը մեկնարկել է 2008թ.-ին: