Մարտ, 2024
March 2024
M T W T F S S
 123
45678910
11121314151617
18192021222324
25262728293031
Beeline. Հայոց ցեղասպանության զոհերի հիշատակին նվիրված օրերին ապահովվել է բոլոր ծառայությունների անխափան աշխատանքը
27/04/2015 21:16

Beeline. Հայոց ցեղասպանության զոհերի հիշատակին նվիրված օրերին ապահովվել է բոլոր ծառայությունների անխափան աշխատանքը

27 ապրիլի 2015 թ., Երևան. Beeline-ը տեղեկացնում է, որ  անցած հանգստյան և Հայոց ցեղասպանության զոհերի հիշատակին նվիրված օրերի ընթացքում ընկերության տեխնիկական համակարգերն աշխատել են անխափան:

Ընկերության կայքը, ֆիքսված, երկրորդ և երրորդ սերունդների բջջային ցանցերը, ինչպես նաև Beeline Armenia բջջային հավելվածը գործել են բնականոն ռեժիմով և հաղթահարել բարձր լարվածությունն ու կիբերհարձակումների թվի կտրուկ աճը:

«Հայ ազգի համար կարևոր այս օրերին Ընկերության բոլոր ծառայությունների անխափան աշխատանքի ապահովումը մեր առաջնահերթություններից էր: Հպարտ եմ, որ Beeline-ի բարձր պրոֆեսիոնալիզմ ունեցող աշխատակազմն արժանապատվությամբ լուծեց իր առջև դրված բոլոր խնդիրները, իսկ բջջային կապը, ինտերնետը, ընկերության պաշտոնական կայքն ու բջջային հավելվածը գործեցին անխափան՝ մեր բաժանորդներին ու մայրաքաղաքի հյուրերին ապահովելով Beeline-ի պարզ և հարմար ծառայություններով», – նշեց Հայաստանում Beeline-ի Գլխավոր տնօրեն Անդրեյ Պյատախինը:

Նշենք, որ կիբերհարձակումներին դիմակայելու նպատակով ընկերության տեղեկատվական ռեսուրսները նախապես և հուսալի կերպով պաշտպանվել են մասնագիտացված միջոցներով, այդ թվում` ծրագրային ապահովումով: Ծիծեռնակաբերդի հուշահամալիրի հարակից տարածքում բջջային կապի անխափան աշխատանքն ապահովելու նպատակով ընկերությունը գործարկել է բջջային կապի լրացուցիչ շարժական բազային կայաններ: