Շատ-շատերի համար բալետը ոգեշնչման աղբյուր է հանդիսանում: Այս արվեստով ոգեշնչված՝ գրաֆիկական դիզայներ Լեսյա Թրաբեթը մշակել է ինքնատիպ պուանտներ, որոնք անկասկած դուր կգան պարողներին: 

Յուրօրինակ էլեկտրոնային պուանտները ֆիքսում են պարողի բոլոր շարժումները: Պարելու ընթացքում կրելով E-Traces պուանտները՝ վերջում հնարավոր կլինի վիդեոյի տեսքով դիտել ամբողջական պարը: Ցանկության դեպքում տեսանյութի փոխարեն կարելի է լուսանկարներ ստանալ: «Պարող գադջեթի» այս նախատիպը Թրաբեթը մշակել է Lilypad Arduino Technology ընկերության հետ համատեղ: Նրանց կարծիքվ՝ պուանտներն առավելապես օգտակար կլինեն այն պարողների համար, ովքեր ինքնուրույն պարային ներկայացումներ են բեմադրում: