Բջջային էլեկտրոնիկայի խոշոր արտադրողները կարծես համախմբվել և գործում են Apple-ի դեմ: Այդ մասին է վկայում Microsoft ընկերության գովազդային նոր տեսահոլովակը, որտեղ համեմատվում են երկու ընկերությունների ձայնային օգնականները` Siri-ն և Cortana-ն: 

Երկու ծրագրերն էլ ստեղծվել են նույն բնույթի խնդիրներ լուծելու նպատակով, սակայն դրանց միջև կան որոշ տարբերություններ: iOS-ն արդեն հասանելի է ամբողջ աշխարհում, սակայն իր հնարավորություններով զիջում է Cortana-յին: Վերջինս հասանելի է միայն ԱՄՆ-ի բնակիչների համար, սակայն համեմատաբար ավելի շատ հարցերի է կարողանում պատասխանել: 

Հենց այս առանձնահատկությունն էլ դարձել է Microsoft-ի գովազդային տեսահոլովակի հիմքը, որտեղ համեմատվում են երկու ծրագրերի ֆունկցիոնալ հնարավորությունները: