Google-ի համահիմնադիր Սերգեյ Բրինն իր վերջին հարցազրույցի ժամանակ ասել է, որ ինքն իրեն համարում է ոչ այնքան մարդամոտ և փոքր-ինչ տարօրինակ անձնավորություն, այդ իսկ պատճառով Google+ նախագծի վրա աշխատելն ի սկզբանե այնքան էլ ճիշտ  որոշում չէր: Այդուհանդերձ, Բրինը ենթադրում է, որ ստեղծման պահին Google+ը շուկայում մեծ պահանջարկ ուներ:

Տվյալ պահին Բրինն աշխատում է Google X-ում, և ներկայիս աշխատանքը շատ ավելի հոգեհարազատ է վերջինիս համար:

Բրինի այս խոսքերը վկայում են այն մասին, որ իրականում Google-ն այնքան էլ բավարարված չէ G+ի արդյունքներով: Ինչքան էլ օգտատերերին անթերի թվա այս սոցցանցը, Բրինը երբեք չէր փորձի արդարանալ նախագծում իր մասնակցության համար, եթե այն իսկապես հաջողություն վայելեր: Լուրերը, որ այս տարվա ընթացքում G+ը կարող է դադարել գոյություն ունենալ, աստիճանաբար իրականություն են դառնում: