240
ՏՏ կազմակերպությունները՝ 1000 խոշոր հարկատուների ցանկում

ՏՏ կազմակերպությունները՝ 1000 խոշոր հարկատուների ցանկում

2019թ. առաջին կիսամյակում 1000 խոշոր հարկատուների շարքում ՏՏ ոլորտի կազմակերպությունների վճարած հարկերը միջինում շուրջ երկու անգամ գերազանցել են նախորդ տարվա նույն ժամանակահատվածի ցուցանիշը։ «Սինոփսիս Արմենիան» շարունակում է գլխավորել ցանկը՝ ապահովելով 32 տոկոս աճ։

«Արմենպրես»-ի հաղորդմամբ՝ ՀՀ Պետական եկամուտների կոմիտեի 2019թ. առաջին կիսամյակի 1000 խոշոր հարկատուների հրապարակած ցանկի համաձայն՝ հավաքագրվել է 511 մլրդ դրամի հարկ` 14.4% ավելի նախորդ տարվա նույն ժամանակահատվածի համեմատ։ Նշված ցանկում ընդգրկվել են ՏՏ ոլորտի 25 ծրագրային ապահովում իրականացնող և 7 տեղեկատվական ծառայություններ մատուցող ընկերություններ, որոնց ընդհանուր վճարած հարկերը կազմել են 10,8 մլրդ դրամ կամ 1000 խոշոր հարկ վճարողների ընդհանուր վճարած հարկերի 2,1 տոկոսը՝ նախորդ տարվա 1,67 տոկոսի փոխարեն։

Շուրջ երեք տասնյակ ՏՏ ոլորտի կազմակերպությունների շարքում են թե՛ տեղական կազմակերպություններ և թե արտասահմանյան ընկերությունների մասնաճյուղեր։ ՏՏ կազմակերպությունների առաջին տասնյակն, ինչպես նախորդ տարի, գլխավորում է ամերիկյան «Սինոփսիս» ընկերության դուստր ընկերություն «Սինոփսիս Արմենիան», որը վճարել է 1,5 մլրդ դրամ հարկ, ինչն էլ նախորդ տարվա նույն ժամանակահատվածի համեմատ ավելին է 36 տոկոսով։ Ընկերության վճարած հարկերի ավելացումը պայմանավորված է եկամտային հարկի 58․5 տոկոս և շահութահարկի 32 տոկոս ավելացմամբ։ Հատկանշական է, որ ուղղակի հարկերի գծով առաջատար «Սինոփսիս Արմենիա» ընկերության վճարած հարկերը 536 մլն դրամով գերազանցում են հայկական առաջատար երկու սուպերմարկետների ցանցերի վճարած ուղղակի հարկերը՝ միասին վերցված։

Տասնյակը ամբողջացնում են «Սոֆթ Կոնստրակտ», «Այյունեթվորքս», «ԴԻՋԻթեյն», «Հայկական ծրագրեր», «Էներջայզ գլոբալ սերվիսիզ», «ՎԻԷՄՈՒԵՐ իսթերն յուրոփ», «Մենթոր գրաֆիկս դիվելոփմենթ սերվիսիս», «Պիկսարտ», «Մոնետիս» ընկերությունները, որոնք ընդհանուր առմամբ վճարել են 6,5 մլրդ դրամ հարկ՝ ՏՏ ոլորտի ընկերությունների ընդհանուր հարկային մուտքերի 50 տոկոսից ավելին, որից վճարված եկամտային հարկը կազմել է 5,3 մլրդ դրամ, իսկ շահութահարկը՝ 940 մլն դրամ։

Հատկանշական է, որ Մեծ Բրիտանիայի և Հյուսիսային Իռլանդիայի Միացյալ Թագավորությունում հիմնադրված և բազմապրոֆիլ ծրագրավորմամբ զբաղվող «Սոֆթ Կոնստրակտ» ընկերությունը, որը ՏՏ ընկերությունների շարքում երկրորդն է, բարելավվել է իր դիրքերը 68 հորիզոնականով՝ 1000 խոշոր հարկատուների շարքում նախորդ տարվա 173-րդ հորիզոնականից հայտնվելով 105-րդ հորիզոնականում և վճարելով 871 մլն դրամ, որը շուրջ 2 անգամ գերազանցում է նախորդ տարվա ցուցանիշը։ Իսկ ՏՏ կազմակերպությունների շարքում 4-րդ տեղում հայտնված խաղային ոլորտում ծրագրային լուծումներ մշակող և մատուցող «ԴԻՋԻթեյն» ընկերությունը թռիչքային կերպով բարելավվել է դիրքերը նախորդ տարվա 575-րդ տեղից հայտնվելով 142-րդ տեղում և շուրջ 5,5 անգամ ավելացնելով վճարած հարկերը։

Տասնյակում հայտնված բոլոր ՏՏ ընկերությունների վճարած հարկերը միջինում շուրջ 2 անգամ ավելացնել են նախորդ տարվա նույն ժամանակահատվածի համեմատ, բացառությամբ ամսական ավելի քան 65 միլիոն ակտիվ օգտատեր ունեցող Պիկսարտ ընկերության, ինչի հետևանքով խոշոր հարկատուների ցանկում ընկերությունը 172-րդ տեղից հայտնվել է 236-րդ տեղում։

Բավականին բարձր հորիզոնական է զբաղեցրել տեղեկատվական ծառայություններ մատուցող հայկական «Ռեդինետ» ընկերությունը, որի վճարած հարկերը 3,2 անգամ ավելացել են՝ կազմելով 535 մլն դրամ, իսկ արտասահմանյան «ՋԻԷՆՍԻ-ալֆա» ընկերությունը նվազեցրել է իր դիրքերը՝ նախորդ տարվա 126-րդ հորիզոնականից հայտնվելով 176-րդ հորիզոնականում՝ վճարելով 146 մլն դրամով քիչ հարկեր։

Տեխնոլոգիական ոլորտի լրատվության հովանավորն է Ռոստելեկոմ հեռահաղորդակցական ընկերությունը։ Ռոստելեկոմը ներկայացնում է Սմարթ հեռուստատեսության ծառայությունն՝ իր Miracast հնարավորությամբ, որի միջոցով բաժանորդները կարող են դիտել իրենց սմարթֆոնի/պլանշետի  ողջ բովանդակությունն անմիջապես հեռուստացույցի էկրանից։

Կարճ հասցե: geek.am/u/5930.html
Հայաստան Տեղեկատվական Տեխնոլոգիաներ Խոշոր Հարկատուներ Հայաստան

Latest News

1 2 3 4 5 >
Ամբողջը` 2932 : Ցուցադրված է` 1 - 15 :

Tech

image

Beeline. Գավառում ևս մեկնարկեց «Ստարտափ Ակումբ» նախագիծը

Հայաստանում Beeline-ի և «Ստարտափ Արմենիա» հիմնադրամի համագործակցությամբ Գավառ քաղաքում հաջողությամբ մեկնարկեց «Ստարտափ Ակումբ» նախագիծը։ «Ստարտափ Ակումբ»-ը կրթական նախաձեռնություն է, որի հիմնական նպատակն է օգնել մարզաբնակ պատանիներին ...

Code

image

Ծրագրավորման ֆունդամենտալ դասընթացներ

Ալան Թյուրինգի անվան Ծրագրավորման Փիլիսոփայության դպրոցը, Hero House֊ի և Երևանի Գլաձոր Համալսարանի համատեղ սկսում է ծրագրավորման ֆունդամենտալ դասընթաց, որը միտված է համաշխարհային մակարդակի մասնագետներ պատրաստելուն։ Դպրոցի ...

Web

image

Հաքերային հարձակման ենթարկված ՀՀ ԱԺ կայքի թերությունները վերացվել են

Ադրբեջանական հաքերների կողմից հունվարի 26-ին ՀՀ ԱԺ պաշտոնական կայքը ենթարկվել է հարձակման։ «Արմենպրես»-ի հաղորդմամբ՝ այս մասին ֆեյսբուքյան  գրառման միջոցով հայտնել է ԱԺ աշխատակազմի ղեկավարի տեղակալ Արսեն ...

Mobile

image

Beeline. Էջմիածնում գործարկվել է 4G ցանց

Beeline-ը հայտարարում է չորրորդ սերնդի բջջային ցանցի գործարկման մասին Էջմիածնում: Այժմ քաղաքի բնակիչները կարող են օգտվել շարժական ինտերնետից մինչև 100 Մբ /վ արագությամբ: Beeline-ի 4G բազային ...

Business

image

ՎիվաՍել-ՄՏՍ. 100 ԳԲ ինտերնետ և «Y» սակագնային պլան՝ սմարթֆոնների մի շարք մոդելներ գնելիս

Տոներին ընդառաջ՝ մինչև 2020թ. հունվարի 1-ը (ներառյալ) ՎիվաՍել-ՄՏՍ-ի սպասարկման կենտրոններից սմարթֆոնների մի շարք մոդելներ գնելիս հաճախորդը կստանա 100 ԳԲ ինտերնետ՝ երկու ամսով, և «Y» սակագնային ...

Various

image

Beeline-ի Կապի թանգարանը կմիանա «Թանգարանների գիշեր» ակցիային

Հայաստանում Beeline-ը կմիանա «Թանգարանների գիշեր»  միջազգային ակցիային: Մայիսի 18-ին Beeline-ի կապի թանգարանի դռները բաց կլինեն այցելուների համար 11։00-ից մինչև 21։00-ն։ Ակցիայի հիմնական նպատակն է երիտասարդությանը ...

Bloggers

Վահագն Օհանջանյան
Newsmaker Geek
Samvel Chakhalyan
Beeline Armenia
Ինտերակտիվ
Ucom
Vivacell-MTS