244
2478
Pixomatic․ IMG դրամաշնորհը հնարավորություն է տվել ստարտափին ունենալ լավագույն և ժամանակակից գործիքներ

Pixomatic․ IMG դրամաշնորհը հնարավորություն է տվել ստարտափին ունենալ լավագույն և ժամանակակից գործիքներ

2017 թվականից սկսած «Աջակցություն ՓՄՁ զարգացմանը Հայաստանում» (EU-SMEDA) ծրագիրն աջակցում է հայաստանյան ստարտափներին։

Հոդվածների նոր շարքով կանդրադառնանք բոլոր այն ստարտափներին, որոնք «Աջակցություն ՓՄՁ զարգացմանը Հայաստանում» ծրագրի շրջանակներում ստացել են դրամաշնորհ։

Շարքի հաջորդ մասնակիցը հայկական Pixomatic ստարտափն է։

Pixomatic-ը ներկայացնում է լուսանկարների ժամանակակից առցանց խմբագիր՝ պատկերի կտրման բացառիկ հատկությամբ: Այն թույլ է տալիս ակնթարթորեն հեռացնել ցանկացած լուսանկարի ետին պլանը, դարձնել այն թափանցիկ, ավելացնել տարբեր գույներ և ֆիլտրեր, կամ փոխել ֆոնն այլ պատկերով:

Ստարտափի բջջային հավելվածն ունի ավելի քան 500 հազար ամսական ակտիվ օգտատեր, նաև հասանելի է վեբում, iOS-ի և Android-ի համար։

Pixomatic-ի համահիմնադիր Գարիկ Ավետիսյանը պատմում է, որ ստարտափի վրա աշխատանքները սկսել են 2015 թվականին՝ երեք ընկերներով։ Ստարտափը գործարկվել է 2016 թվականին։ Այն թիրախավորել է թե՛ շարքային օգտատերերի, թե՛ գործարարների լսարանները։

«Pixomatic-ի գործարկման ժամանակ միակ առանձնահատկությունը նկար կտրելն էր, իսկ այս պահին ունենք շատ ավելի հետաքրքիր նորամուծություններ։ Մենք հնարավորություն ենք տալիս ջնջել լուսանկարից անցանկալի օբյեկտները, նաև ունենք սելֆիների որակը լավացնող գործիքներ և շատ այլ առանձնահատկություններ», - ներկայացնում է Գարիկ Ավետիսյանը:

Pixomatic-ի համահիմնադիրի խոսքով, հավելվածի առանձնահատկությունը պայմանավորված է տարբեր պատկերների մշակման ալգորիթմների և մեքենաների ուսուցման տեխնոլոգիաների կիրառմամբ։

2017 թվականին ստանալով «Նորարարության համաֆինանսավորվող դրամաշնորհ» (IMG) դրամաշնորհը՝ Pixomatic-ի թիմը հնարավորություն է ստացել մշակել և զարգացնել patch և heal (լուսանկարներից անցանկալի օբյեկտները վերացնելու) գործիքները։

Անդրադառնալով այն հարցին, թե արդյոք իրենք շահագրգռված են մուտք գործել ԵՄ շուկա, Pixomatic- ի համահիմնադիրը նշել է, որ այդ շուկան հսկայական նշանակություն ունի իրենց համար․ հաճախորդների բազայի 35%-ը ԵՄ երկրներից է։

Խոսելով վաղ փուլում Pixomatic-ի առջև ծառացած մարտահրավերների մասին՝ Գարիկ Ավետիսյանը նշեց.

«Բիզնես ստեղծելը, նույնիսկ փոքր սրճարան բացելը, ամենուր դժվար է: Ամենակարևորը չդադարել հաշվի նստել թիրախային լսարանի և օգտատերերի կարծիքի հետ։ Նաև, պետք է ունենալ հստակ տեսլական։ Իսկ հիմնադիրները պետք է միշտ լինեն լավատես»։

Բացի այդ, Pixomatic-ն առաջիկա 1 տարվա համար հավակնոտ նպատակ ունի․նախատեսում է ունենալ ամսական 10 միլիոն օգտատեր:

«Աջակցություն ՓՄՁ զարգացմանը Հայաստանում» ծրագիրը հանդիսանում է «ԵՄ-ն՝ Բիզնեսի համար» եւ «ԵՄ-ն՝ Նորարարության համար» նախաձեռնությունների մաս:

Ծրագիրը համաֆինանսավորվում է ԵՄ-ի, ինչպես նաեւ Գերմանիայի դաշնային հանրապետության տնտեսական համագործակցության եւ զարգացման նախարարության կողմից եւ իրականացվում է ԳՄՀԸ «Մասնավոր հատվածի զարգացումը Հարավային Կովկասում» ծրագրի շրջանակում:

ԵՄ-ի կողմից տրամադրվող «Նորարարության համաֆինանսավորվող դրամաշնորհ» (IMG) եւ «Գիտական եւ տեխնոլոգիական ձեռներեցության դրամաշնորհ» (STEP) ծրագրերն իրականացվում են Ձեռնարկությունների ինկուբատոր հիմնադրամի (ՁԻՀ) հետ համագործակցությամբ:

Լուսանկարները և տեսանյութը՝ blog.eif.am կայքից

Կարճ հասցե: geek.am/u/5783.html
Startups Pixomatic Startups

Latest News

1 2 3 4 5 >
Ամբողջը` 2816 : Ցուցադրված է` 1 - 15 :

Tech

image

Նաիրա Նազարյանը դասախոսություն կարդաց «PR և հաղորդակցային տեխնոլոգիաներ» մագիստրոսական ծրագրի և PR դպրոցի ուսանողների համար

Հայաստանում Beeline-ի հասարակայնության հետ կապերի ծառայության ղեկավար Նաիրա Նազարյանը դասախոսություն է կարդացել ԵՊՀ ժուռնալիստիկայի ֆակուլտետի «PR և հաղորդակցային տեխնոլոգիաներ» մագիստրոսական ծրագրի և Հայկական Փի Ար ...

Code

image

Ծրագրավորման ֆունդամենտալ դասընթացներ

Ալան Թյուրինգի անվան Ծրագրավորման Փիլիսոփայության դպրոցը, Hero House֊ի և Երևանի Գլաձոր Համալսարանի համատեղ սկսում է ծրագրավորման ֆունդամենտալ դասընթաց, որը միտված է համաշխարհային մակարդակի մասնագետներ պատրաստելուն։ Դպրոցի ...

Web

image

Հաքերային հարձակման ենթարկված ՀՀ ԱԺ կայքի թերությունները վերացվել են

Ադրբեջանական հաքերների կողմից հունվարի 26-ին ՀՀ ԱԺ պաշտոնական կայքը ենթարկվել է հարձակման։ «Արմենպրես»-ի հաղորդմամբ՝ այս մասին ֆեյսբուքյան  գրառման միջոցով հայտնել է ԱԺ աշխատակազմի ղեկավարի տեղակալ Արսեն ...

Mobile

image

Ucom. iPhone-ների թարմացման հնարավորություն

Այսուհետ Apple ընկերության պաշտոնական գործընկեր Ucom ընկերութունը հնարավորություն է տալիս իր այն բաժանորդներին, ովքեր վերջին 6-18 ամսվա ընթացքում Ucom-ից ձեռք են բերել iPhone սմարթֆոններ, նորացնել ...

Business

image

Ucom. uTV Extra՝ նոր սակագնային պլան

Ucom ընկերությունը հանդես է եկել հեռուստատեսային ծառայության նոր՝ «uTV Extra» սակագնային պլանի առաջարկով։ Ամսական ընդամենը 4900 դրամով uTV Extra-ի բաժանորդները կվայելեն 120 հեռուստաալիքների որակյալ հեռուստաբովանդակությունը, ...

Various

image

Beeline. Կապի թանգարանը կրկին բացում է իր դռներն այցելուների համար

Beeline-ի Կապի թանգարանը վերաբացվել է այցելուների համար վերանորոգումից հետո։ Վերաբացված թանգարանի առաջին հյուրերը դարձան Չեխովի անվան միջնակարգ դպրոցի 4-րդ դասարանի աշակերտները։ Նրանց համար կազմակերպվել էր ...

Bloggers

Վահագն Օհանջանյան
Newsmaker Geek
Samvel Chakhalyan
Beeline Armenia
Ինտերակտիվ
Ucom
Vivacell-MTS