Մարտ, 2024
March 2024
M T W T F S S
 123
45678910
11121314151617
18192021222324
25262728293031
Աշխատանքներ՝ Հայաստանում Paypal-ի ամբողջական ծառայությունների գործարկման նպատակով
28/09/2018 15:41

Աշխատանքներ՝ Հայաստանում Paypal-ի ամբողջական ծառայությունների գործարկման նպատակով

ՀՀ տրանսպորտի, կապի և տեղեկատվական տեխնոլոգիաների նախարարի առաջին տեղակալ Հակոբ Արշակյանն իր ֆեյսբուքյան էջում տեղեկացրել է PayPal ընկերության փոխնախագահի հետ հեռախոսազրույց ունենալու մասին։ Նա մասնավորապես գրել է․ «Հենց նոր հեռախոսազրույց ունեցա PayPal ընկերության փոխնախագահի հետ՝ Հայաստանում PayPal-ի ծառայությունների ամբողջական գործարկման հետ կապված:

Փոխնախագահը խոստացավ իր թիմի հետ քննարկել իմ տված տեղեկատվությունը Հայաստանի մասին և ակտիվորեն աշխատել առաջարկված խնդրի շուրջ:

Որպես տեղեկատվություն պետք է ասեմ, որ PayPal-ը գործում է աշխարհի ընդամենը 65 երկրում և նույնիսկ որոշ Եվրոպական երկրներում այն ամբողջական ֆունկցիոնալությամբ չի գործում»:

Վերջում Հակոբ Արշակյանը հավելել է, որ փոքր ու միջին բիզնեսի համար շատ կարևոր է այսպիսի վճարային համակարգերի գոյությունը Հայաստանում, և իրենք շարունակելու են աշխատել այդ ուղղությամբ: