374
21
2808
Գաղափարից գլոբալ շուկա. «Irava-Tech» համաժողովն ուղղված է ՏՏ ստարտափների  իրավական կարողությունների զարգացմանը

Գաղափարից գլոբալ շուկա. «Irava-Tech» համաժողովն ուղղված է ՏՏ ստարտափների իրավական կարողությունների զարգացմանը

Մտավոր սեփականության իրավունքի պաշտպանության, ներդրումների կառավարման և գյուտերի արտոնագրման թեմաներով մարտի 15-ին մեկնարկած երկօրյա «Irava-Tech» համաժողովն ուղղված է ՏՏ ոլորտի հայկական ընկերությունների իրավական կարողությունների զարգացմանը:

«Արմենպրես»-ի փոխանցմամբ` կազմակերպիչները «Լույս» հիմնադրամի կրթաթոշակառուներ են, ովքեր իրավագիտություն են ուսումնասիրում աշխարհի լավագույն համալսարաններում, բանախոսները իրավունքի և տեխնոլոգիայի ոլորտների հայազգի առաջատար մասնագետներ են: Երևանում մեկնարկած միջոցառմանը տեսակապով միացավ Twitter-ի նախկին փոխնախագահ, ներկայում ԱՄՆ դեմոկրատական կուսակցության ազգային հանձնաժողովի գլխավոր տեխնոլոգիական տնօրեն (CTO) Րաֆֆի Գրիգորյանը, ով կիսվեց Թվիթերում և Ուբերում կառավարման արդյունավետ մոտեցումների իր փորձով:

«Լույս» հիմնադրամի կրթական ծրագրերի գործադիր տնօրեն Ժաքլին Կարաասլանյանը լրագրողների հետ զրույցում նշեց, որ ուսանողների կողմից տարվող աշխատանքը նոր չէ, նրանք անընդմեջ նմանատիպ միջոցառումներ են կազմակերպում տարբեր ոլորտներում: «Երկօրյա այս համաժողովը կազմակերպել են իրավաբանները, ովքեր սովորում են աշխարհի տասը լավագույն համալսարաններում, նրանք փորձում են այնտեղի լավագույն փորձը բերել Հայաստան»,-ասաց Ժաքլին Կարաասլանյանը: Նրա տեղեկացմամբ` «Լույսի» կրթաթոշակառուները շուրջ մեկ տարի ուսումնասիրել են դաշտը, հաշվի առել նախորդ տարվա համաժողովին հնչած հարցադրումները և Երևանում համախմբել մարդկանց, ովքեր իրենց փորձով ու գիտելիքներով կարող են օգնել սկսնակներին դուրս գալ միջազգային շուկաներ պաշտպանված արտադրանքով կամ գաղափարով: «Հայաստանը հնարավորությունների երկիր է, կարևոր է այս տաղանդը մշակել և ողջ աշխարհի համար բացահայտել»,-նշեց մեր զրուցակիցը` հավելելով, որ համաժողովին մասնակցելու ցանկություն է հայտնել 200-ից ավելի մարդ, ովքեր գրանցվել են մեկ օրվա ընթացքում:

«Լույսի» կրթաթոշակառու, Բերկլիի համալսարանի Իրավաբանական դպրոցի ուսանող Նորայր Մեջլումյանի խոսքով` տեսնելով Հայաստանում տեխնոլոգիական ոլորտի ներուժը, միևնույն ժամանակ նորարարական գաղափարները գլոբալ շուկաներում ներկայացնելու և մտավոր սեփականության պաշտպանության ողջ գործընթացներով անցկացնելու մարտահրավերները, դեռևս անցյալ տարի նախաձեռնեցին այս համաժողովի անցկացումը: «Եթե գաղափարը պաշտպանված չէ, այն ոչ մի բանի պետք չէ: Անցյալ տարի որոշեցինք, որ ՏՏ շուկայի վրա հիմնվենք և ըստ այդմ արդեն երկրորդ տարին է, որ անցկացնում ենք համաժողովը: Ունենք մասնագետներ Ավստրալիայից, Ամերիկայից, Անգլիայից, ովքեր խոսելու են ոչ միայն Հայաստանի շուկայից, այլև այն մասին, թե ընդհանրապես ինչին են նայում ներդրողները, երբ ցանկանում են գումար ներդնել քո գաղափարի մեջ»,-ասաց «Irava-Tech»-ի համահիմնադիրներից մեկը:

«Լույսի» կրթաթոշակառու, Բերկլիի համալսարանի իրավաբանական դպրոցի ուսանող Լարա Մարգարյանը նշեց, որ իրենց նպատակը հայկական տեխնոլոգիական միտքը միջազգային շուկաներում ճանաչելի դարձնելն է: «Այստեղ՝ Հայաստանում իսկապես կան տեխնոլոգիական ոլորտի կենսունակ, խելացի ու լավ կրթությամբ մասնագետներ, որոնց մեր օգնությունն ենք առաջարկում, որպեսզի կարողանան գաղափարների փուլից մուտք գործել շուկա և ստանալ եկամուտ»,-ավելացրեց կրթաթոշակառուն:

Համաժողովի առաջին օրը կներկայացվեն արծարծվող թեմաների շուրջ աշխարհում գոյություն ունեցող մոտեցումները, իսկ երկրորդ օրը գործնական վարժանքների միջոցով առաջատար մասնագետները քայլ առ քայլ կբացատրեն նորարարական գաղափարն առաջ մղելու, դրանք պաշտպանելու ընթացակարգերը, որպեսզի կարողանան Հայաստանից սահուն ձևով անցում կատարել գլոբալ շուկաներում աշխատելուն: 

Բանախոսների թվում են նաև ամերիկյան Salesforce ՏՏ ընկերության՝ Ավստրալիայում և Նոր Զելանդիայում հանրային քաղաքականության գծով տնօրեն Սասուն Գրիգորյանը, SalesNative և Contexti ընկերությունների ռազմավարական խորհրդատու և հիմնադիր Սիդնի Մինասյանը, SmartGateVC վենչուրային ընկերության համահիմնադիր Աշոտ Արզումանյանը, տեխնոլոգիական ստարտափների հիմնադիրներ, մտավոր սեփականության և արտոնագրման ոլորտներում մասնագիտացած առաջատար իրավաբաններ։

Անի Նազարյան

Կարճ հասցե: geek.am/u/5648.html
Հայաստան Հայաստան Տեղեկատվական Տեխնոլոգիաներ Irava-Tech

Latest News

1 2 3 4 5 >
Ամբողջը` 2674 : Ցուցադրված է` 1 - 15 :

Tech

image

Business Angel Network of Armenia-ն աջակցում է միայն Հայաստանում հավելյալ արժեք ստեղծող ստարտափներին

Հուլիսի 11-ին Beeline Ստարտափ Ինկուբատորում Business Angel Network of Armenia-ի հիմնադիր Գրիգոր Հովհաննիսյանը պատմեց իր ղեկավարած ցանցի առանձնահատկությունների մասին։ Բիզնես հրեշտակների ցանցը հնարավորություն է տալիս հայկական ...

Code

image

Ինտերնետում հասանելի կայքերի 30%-ի հիմքում Wordpress-ն է

Համացանցային միտումների վերլուծությամբ զբաղվող W3Techs ընկերության հրապարակված տվյալների համաձայն 2018թ. փետրվարի սկզբի դրությամբ համացանցում հասանելի կայքերի 30%-ի հիմքում Wordpress-ն է։ Նշվում է. որ 2015թ. նոյեմբերին ...

Web

image

Հաքերային հարձակման ենթարկված ՀՀ ԱԺ կայքի թերությունները վերացվել են

Ադրբեջանական հաքերների կողմից հունվարի 26-ին ՀՀ ԱԺ պաշտոնական կայքը ենթարկվել է հարձակման։ «Արմենպրես»-ի հաղորդմամբ՝ այս մասին ֆեյսբուքյան  գրառման միջոցով հայտնել է ԱԺ աշխատակազմի ղեկավարի տեղակալ Արսեն ...

Mobile

image

Ucom-ն իջեցրել է Samsung J և S դասի սմարթֆոնների ողջ տեսականու գները

Ucom-ը շարունակում է ամառային գնիջեցման ֆանտաստիկ երթը։ Այս անգամ կտրուկ իջել են Samsung ապրանքանիշի J և S դասի սմարթֆոնների ողջ տեսականու գները, ընդ որում նաև ...

Business

image

Beeline. Հաճախորդի օր` ընկերության ղեկավար կազմն աշխատում է սպասարկման գրասենյակներում

Beeline-ում այսօր հայտարարված է Հաճախորդի օր, որի շրջանակում ընկերության ղեկավար կազմը, ինչպես նաև տարբեր բաժինների աշխատակիցներ՝ ավելի քան 110 հոգի օրվա ընթացքում շփվելու և աշխատելու ...

Various

image

Beeline. մեկնարկում է ստարտափների աջակցությանը ուղղված ՍտարտՀաբ նախագիծը

Beeline-ը և Տեխնոլոգիական Զարգացման Կենտրոն հիմնադրամը հայտարարում են հայկական ստարտափների տեղեկատվական աջակցության ՍտարտՀաբ նախագծի Օֆլայն՝ հարթակի մեկնարկի մասին։ ՍտարտՀաբ Օֆլայնը միջոցառումների շարք է, որի ընթացքում ...

Bloggers

Վահագն Օհանջանյան
Newsmaker Geek
Samvel Chakhalyan
Beeline Armenia
Ինտերակտիվ
Ucom
Vivacell-MTS