Սմարթֆոնների համար պաշտպանիչ ապակիներ արտադրող Corning ընկերությունը ներկայացրել է Gorilla Glass 4 նորարարությունը: Ընկերության ներկայացուցիչների հավաստմամբ՝ նորույթն իր այլընտրանքային տարբերակներից կրկնակի ամուր և հուսալի է: Դրա մասին վկայում են բազմաթիվ թեստերը, որոնք առավելագույնս նմանեցվել են սմարթֆոնի շահագործման իրական պայմաններին:

Այժմ հատակին ընկնելու դեպքում սմարթֆոնի դիսփլեյի վնասվելու հավանականությունը կազմում է մոտավորապես 20-30%: Այնուամենայնիվ, գովազդային տեսահոլովակում բավականին հեշտ է կոծկել իրականությունը: Միայն անկախ քրաշ թեստերը կարող են բացահայտել Gorilla Glass 4-ի իրական դիմացկունությունը: