Ֆանտաստիկ ժանրի ֆիլմերը մարդկանց ստիպում են երազել ցուցադրվող անհավանական հայտնագործությունների մասին, որոնցից ամենահայտնին ու սիրվածը մարտական ռոբոտներն են: Այդ դեպքում ինչու՞ իրականություն չդարձնել մարդկանց երազանքները: Այս հարցին մեծ ոգևորությամբ մոտեցած համախոհների մի խումբ Բոստոնում հիմնել է MegaBots ընկերությունն ու գործի անցել: Խնդիրն այն է, որ միայն ոգևորությամբ բավականին դժվար է առաջ շարժվելը, այդ իսկ պատճառով, ֆինանսական միջոցներ ներգրավելու նպատակով, նախագծի հեղինակները որոշեցին դիմել Kickstarter հարթակի օգնությանը: 

Ցավոք, մարտական ռոբոտի մասսայական արտադրությունը սկսելու համար ավելի քան 1 800 000 ԱՄՆ դոլար է պահանջվում, իսկ նման գումար հավաքելը գրեթե անհնար է: Այնուամենայնիվ, MegaBots-ի տղաները ցուցադրել են ռոբոտի կարողությունները: Հարկ է նշել՝ արդյունքը տպավորիչ է: