Plastc սթարթափն օգտատերերին առաջարկում է պլաստիկ քարտերին փոխարինող գադջեթ, որը ստացել է Plastc Card անվանումը: Այն իր մեջ կարող է պահպանել մոտ 20 բանկային քարտերի տվյալներ: 

Անհրաժեշտ տեղեկատվությունը ստանալու համար անհրաժեշտ է միայն օգտագործել սարքի կենտրոնում գտնվող փոքրիկ էկրանը: Նման լուծումն օգնում է խնայել էներգիան, իսկ մարտկոցն առհասարակ սարքի 30-օրյա աշխատանք է կարողանում ապահովել: Plastc Card-ի լիցքավորումն իրականացվում է անլար տեխնոլոգիաներով, իսկ սմարթֆոնի հետ այն փոխազդում է Bluetooth-ի միջոցով:  

Plastc Card-ի միջոցով հնարավոր է նաև NCF վճարումներ իրականացնել: ինչպես և մյուս պլաստիկ քարտերի դեպքում, քարտապանները ցանկացած պահի կարող են ստուգել իրենց հաշվի մնացորդը: 

Plastc Card-ի գլխավոր թերությունը բավականին բարձր գինն է, որը կազմում է մոտ 155 ԱՄՆ դոլար: