Վերջերս Kickstarter հարթակում ներկայացվել էր Sense «խելացի» զարթուցիչը, որը կարողանում է բնորոշել քնի որակը`հիմնվելով մի շարք նախադրյալների վրա, որոնց շարքին կարելի է դասել սենյակի լուսավորությունը, ջերմաստիճանը, խոնավությունն ու սենյակում կողմնակի ձայների առկայությունը:

Kickstarter համաֆինանսավորման հարթակում ներկայացվելուց կարճ ժամանակ անց զարթուցիչը կարողացավ ներգրավել արտադրության համար անհրաժեշտ գումարը, իսկ ևս մեկ շաբաթ անց ընդհանուր ներդրումների գումարը գերազանցեց 1 200 000 ԱՄՆ դոլարը: Նախագծի ֆինանսավորմանը մասնակցել է ավելի քան 10 000 ներդրող: