Ձեր ուշադրությանն ենք ներկայացնում Ringly կրելի սարքը, որը երեկոյան մատանու տեսք է ստացել: Ամեն անգամ, երբ մատանու սեփականատերը հաղորդագրություն, նամակ կամ որևէ ծանուցում է ստանում, այն լույս է արձակում և տեղեկացնում այդ մասին: 

Մատանու վաճառքի մեկնարկի պահից սկսած այն մեծ հաջողություն է վայելում: Ringly-ի գինը կազմում է 145 ԱՄՆ դոլար և առաջարկվում է մի քանի գույներով:

Մատանու ֆունկցիաներն ակտիվացնելու համար անհրաժեշտ է պարզապես Ringly հավելվածի միջոցով սմարթֆոնի և մատանու միջև կապ հաստատել: Հավելվածը հնարավորություն է ընձեռում նաև կարգավորել ծանուցումները: Կարելի է նշել միայն մի քանի հոգու, և այդ դեպքում մատանին լույս կարձակի միայն նրանցից հաղորդագրություն կամ ծանուցում ստանալու դեպքում: