Վաճառքի է ներկայացվել սմարթֆոնների և պլանշետների համար նախատեսված վիրտուալ ստեղնաշար, որն անկասկած դուր կգա «Աստղային պատերազմների» սիրահարներին: Սարքն իրենից ներկայացնում է R2-D2 ռոբոտի տեսքվ պրոյեկտոր և հագեցած է համապատասխան հնչողությամբ:

Բջջային սարքերի հետ կապ հաստատելու համար օգտագործվում է Bluetooth 3.0 ինտերֆեյսը, իսկ աշխատանքի համար անհրաժեշտ է հարթ մակերևույթ, որի վրա էլ արտացոլվում է ստեղնաշարի պատկերը: Արտացոլման պայծառությունը տարբեր մակարդակի լուսավորության դեպքում կարելի է փոփոխել:

Ներկա պահին սարքը հնարավոր է ձեռք բերել միայն ճապոնական առցանց խանութից, իսկ ռոբոտի գինը կազմում է մոտ 330 ԱՄՆ դոլար: