Շուտով բոլոր ցանկացողները կկարողանան վայելել կապույտ երկինքը նույնիսկ գիշերային ժամերին ու ամպամած եղանակին:

Արևային եղանակն ապահովվում է հասարակ լուսադիոդների միջոցով: Դրանց արձակած լույսն անցնում է պլաստիկ թափանցիկ սալիկների միջով, որոնց մակերևույթին տեղադրված են հատուկ նանոմասնիկներ, ինչից հետո լույսն անմիջապես տարածվում է:

Ընդ որում, տարբեր սալիկներ կարող են նմանակել ամենատարբեր եղանակային պայմաններ՝ սկսած ամենաշքեղ մայրամուտներից մինչև ամենագորշ երկինքը կայծակների ժամանակ:

Սալիկների նանոմասնիկներն առաջին հերթին սպիտակ լույսը փոխարինում են «երկնային կապույտով», բացի այդ ապահովում են նաև «ջերմ» դեղին գույնը, որն էլ հենց նմանվում է արևի լույսին:

«Երկնային լույսի» սալիկի նմուշը վերջերս ցուցադրվել էր Ֆրանկֆուրտում կայացած լուսային սարքավորումների միջազգային ցուցահանդեսին: Այցելուների կարծիքով՝ սալիկց արձակվող լույսը գրեթե չի տարբերվում արևի բնական լույսից: Այն օգտակար կլինի հատկապես այն մարդկանց համար, ովքեր ամբողջ օրն աշխատում են փակ տարածության մեջ: