Ամերիկյան Spike նախագիծը հավաքել է երկու անգամ ավելի շատ միջոցներ, քան նախատեսվում էր սմարթֆոնների համար հատուկ սարքի արտադրության մեկնարկի համար: Սպասվում է, որ սարքի վաճառքը կմեկնարկի արդեն 2014 թվականի մայիսին: Այն կարժենա 560 ԱՄՆ դոլար:

Նոր սարքը լազերային ճառագայթի միջոցով կորոշի ընտրված օբյեկտի հեռավորությունը, լայնությունը և բարձրությունը, որից հետո Bluetooth-ի միջոցով տվյալները կփոխանցվի սմարթֆոնին, որտեղ հատուկ հավելվածի օգնությամբ ցուցանիշները կներկայացվեն օգտատիրոջը: Սարքն աշխատում է մինչև 200 մետր հեռավորության վրա: