Նորաստեղծ Ossia ընկերությունը պնդում է, որ իրենց հաջողվել է աննախադեպ առաջընթաց արձանագրել էլեկտրաէներգիայի անլար փոխանցման ոլորտում: Ընկերությունը հայտնել է, որ իրենք ստեղծել են 2.4 GHz հաճախականությամբ աշխատող հաղորդիչ, որը 1 Վտ հզորությունը մինչև 10 մետր փոխանցելու հնարավորություն ունի: Հաղորդչի հզորությունը հասնում է 4 Վտ-ի:

Սպասվում է, որ առաջին կոմերցիոն սարքավորումները շուկայում կհայտնվեն 2015թ.-ին:  Հաղորդիչի հետաքիքիր հատկություններից մեկն էլ այն է, որ դրա միջոցով կարելի է միանգամից 3000 սարքավորում լիցքավորել: Հետաքիքիր է, որ հաղորդիչը էլեկտրական հոսանքը փոխանցելու համար օգտվում է հասարակ անտենայից: Ստեղծված հաղորդիչն այժմ կարողանում է միայն մեկ փոքրիկ էլեկտրական լապտեր լիցքավորել: Ossia-յի հիմնադիր Հաթեմ Զայնն ասում է, որ իրենց հաղորդիչն աշխատում է WiFI-ի հաճախականության վրա, ինչն էլ ապագայում թույլ կտա լիցավորումն իրականացնել բավական մեջ տարածությունների վրա: