Tech

Խաղային տեխնոլոգիաների ոլորտում նոր կրթական ծրագրերը և ժամանակակից ենթակառուցվածքները հասանելի կդառնան Երևանի և մարզերի երիտասարդների համար

Կարևորելով ստեղծարար տեխնոլոգիաների ոլորտում մարդկային մրցունակ ներուժի զարգացումը և նոր ռեսուրսների ստեղծումը՝ «Կոկա-Կոլա Հելլենիկ Արմենիա»-ն և «Ձեռնարկությունների ինկուբատոր» հիմնադրամը (ՁԻՀ) ազդարարում են նոր՝ «Խաղային տեխնոլոգիաների էկոհամակարգն՝ ի նպաստ երիտասարդության հզորացման» խորագրով համատեղ ծրագրի մեկնարկը, որի բացման հանդիսավոր միջոցառումը տեղի ունեցավ ս.թ. մարտի 10-ին, BŪRՕ work’n’roll-ում։

Միջոցառման ընթացքում «Ձեռնարկությունների ինկուբատոր» հիմնադրամի և «Կոկա-Կոլա Հելլենիկ Արմենիա»-ի միջև ստորագրվեց համագործակցության հուշագիր՝ որով կողմերը կմիավորեն ջանքերն՝ ի նպաստ Հայաստանում խաղային տեխնոլոգիաների էկոհամակարգի զարգացման։ Տվյալ հուշագրով ամրագրվեց 9-ամսյա ծրագրի մեկնարկը, որը կապահովի տեխնոլոգիական կրթության և ենթակառուցվածքների հասանելիություն Երևանի և երկու մարզերի երիտասարդների համար։

Որպես այս համագործակցության առաջին քայլ, միջոցառման ժամանակ  հայտարարվեց «Խաղային տեխնոլոգիաների հիմունքներ» 4-ամսյա անվճար դասընթացների շարք, որին կարող են մասնակցել 15-ից 29 տարեկան երիտասարդները Երևանից, Գյումրիից և Վանաձորից՝ անկախ ծրագրավորման ոլորտում նախնական գիտելիքների առկայությունից։

Դասընթացների ընթացքում փորձառու մենթորների և առաջատար մասնագետների աջակցությամբ մասնակիցները ձեռք կբերեն հիմնարար տեխնիկական գիտելիքներ ծրագրավորման և խաղերի մշակման ոլորտներում, ինչպես նաև փափուկ հմտություններ՝ պլանավորում, նախագծերի կառավարում և առաջխաղացում: Հաջորդիվ՝ ծրագրի բութքեմփ-ինկուբացիոն փուլում, թիմերը կմշակեն և կփորձարկեն սեփական խաղերը։

«Հայ երիտասարդներն ունեն մեծ ներուժ՝ Հայաստանի ստեղծարար տեխնոլոգիաների էկոհամարգի զարգացումը ապահովելու համար։ Այս ծրագիրը լայն հնարավորություններ կստեղծի երիտասարդների համար, մասնավորապես՝ մարզերում, դառնալու մրցունակ և որակյալ մասնագետներ՝ ստանալով հիմնարար և բազմակողմ գիտելիքներ ու հմտություններ՝, օգտվելով խաղային տեխնոլոգիաների ոլորտի ժամանակակից ռեսուրսներից»,- նշեց «Ձեռնարկությունների ինկուբատոր» հիմնադրամի տնօրեն Բագրատ Ենգիբարյանը։

«Կոկա-Կոլա Հելլենիկ Արմենիա» ընկերության համար կարևոր է մեր երկրում ունենալ որակյալ կրթության նախապայմաններ։ Մենք գտնում ենք, որ այդ ամենը հնարավոր է բիզնեսի, նմանատիպ հիմնադրամների և պետական կառույցների համագործակցությամբ: Լինելով Հայաստանում խոշոր գործատուներից մեկը՝ մեր ընկերությունն իր առաքելությունն է համարում նպաստել կրթության լավագույն հնարավորություններին և աշխատաշուկայի կայուն զարգացմանը», – նշեց «Կոկա-Կոլա Հելլենիկ Արմենիա» ընկերության Կորպորատիվ կապերի և կայունության ղեկավար Էլինա Մարգարյանը:

Ծրագրով նաև նախատեսված է «Կոկա-Կոլա Հելլենիկ Արմենիա»-ի հետ համագործակցությամբ Գյումրու և Վանաձորի տեխնոլոգիական կենտրոններում հիմնել արդիական սարքավորումներով հագեցած ևս երկու «Coca-Cola Video Game»  լաբորատորիա՝ նպաստելով Հայաստանում խաղային տեխնոլոգիական էկոհամակարգի համաչափ զարգացմանը։  Այդ լաբորատորիաների միջոցով մարզաբնակ երիտասարդները կունենան անհրաժեշտ ռեսուրսներիի հասանելիություն՝ ստեղծարար խաղային տեխնոլոգիաների ոլորտում հմտանալու և հաջողելու համար։

ՁԻՀ-ի և «Կոկա-Կոլա Հելլենիկ Արմենիա»-ի համատեղ նախաձեռնությամբ իրականացվող այս ծրագիրը վերափոխում է խաղային նորարարական տեխնոլոգիաների ոլորտը Երևանում և մարզերում։ ՁԻՀ-ի կողմից սա ևս մեկ քայլ է Հայաստանում ՏՏ ոլորտի առաջխաղացումը և երիտասարդների համապատասխան հմտությունների զարգացումը խթանելու ուղղությամբ, որը կնպաստի ոլորտում մրցունակ աշխատուժի ձևավորմանը։

Միջոցառման ընթացքում կազմակերպվեց նաև խաղային առաջնություն մասնակից երիտասարդների միջև։ Լավագույն արդյունք ցուցաբերած չորս երիտասարդներին հանձնվեցին հուշանվերներ։

Recent Posts

Activeloop-ը 11 միլիոն դոլարի ներդրում է ներգրավել

Հայկական Activeloop ստարտափը11 միլիոն դոլար է ֆինանսավորում է ապահովել Series A ռաունդում։ Դավիթ Բունիաթյանի հիմնադրած ստարտափն առաջարկում է հատուկ տվյալների…

2 days ago

Hoory AI-ը Product Hunt-ում է

Hoory AI-ը Product Hunt-ում է։ Հայկական ստարտափի օգտին կարող եք քվեարկել այստեղ: Ձեր աջակցությունն ու մասնակցությունը շատ կարևոր են մեզ…

2 days ago

Հայերի հիմնադրած Cognaize-ն արհեստական բանականության գերազանցության մրցանակիր է դարձել

Հայ հիմնադիրներ ունեցող Cognaize ընկերությունը Business Intelligence Group-ի կողմից արժանացել է արհեստական բանականության գերազանցության 2024-ի մրցանակի: Cognize-ը փաստաթղթերի կառավարման ավտոմատացման…

1 week ago

Կասպերսկի. Աշխարհում վնասաբեր փոստային առաքումների քանակը նվազել է, ֆիշինգային գրոհներինը՝ ավելացել

Գլոբալ փոստային տրաֆիկում սպամի միջին մասնաբաժինը 2023-ին նախորդ հաշվետու ժամանակաշրջանի համեմատ նվազել է 3,03 տ.կ.-ով և կազմել 45,60%: 2022-ին ամբողջ աշխարհում…

1 week ago

Team Telecom Armenia-ի ինտերնետը հասանելի է մետրոյում

Team Telecom Armenia-ն շարունակում է իրականացնել իր ռազմավարական ծրագրերը` կապի ամենաժամանակակից ծառայությունները հասանելի դարձնելով ամենուր՝ բոլոր բաժանորդներին։ Երևանի մետրոյում, որտեղ…

2 weeks ago

Կմեկնարկի Webflow-ի դասընթաց՝ աշխատանքի հնարավորությամբ

Հետաքրքրվա՞ծ եք Webflow ծրագրով կամ ցանկանում եք իմանալ, թե դա ինչ է, ուրեմն բաց մի թողեք Webflow դասընթացի տեղեկատվական օրը,…

2 weeks ago