Categories: Tech

«Արմաթն օդում» ԱԹՍ կրթական աշխատանոցը «վայրէջք կատարեց» Վարդենիսում

Հոկտեմբերի 28-ին Գեղարքունիքի մարզի Վարդենիս քաղաքի ավագ դպրոցում տեղի ունեցավ «Արմաթն օդում» ԱԹՍ կրթական աշխատանոցի բացումը։ Այն իրականություն դարձավ «Խաչիկ Պողոսյան» բարեգործական հիմնադրամի, Առաջատար տեխնոլոգիաների ձեռնարկությունների միության (ԱՏՁՄ), VMware ընկերության աշխատակիցների և համայնքի բնակիչների ջանքերով։

Աշխատանոցն անվանակոչվեց Արցախյան 44-օրյա պատերազմի մասնակից, «Մարտական խաչ» 1-ին աստիճանի շքանշանակիր, «Մարտական ծառայության» մեդալակիր Խաչիկ Պողոսյանի անունով։

Բացմանը ներկա էին պաշտոնյաներ, ԱՏՁՄ գործադիր տնօրեն Հայկ Չոբանյանը և աշխատակազմի անդամները, ԵՊՀ ռեկտոր Հովհաննես Հովհաննիսյանը, Խաչիկ Պողոսյանի ծնողներն ու հարազատները, այլ հյուրեր։

Բացման հանդիսավոր արարողությունը մեկնարկեց Դիլիջանի Մոնթե Մելքոնյանի անվան ռազմամարզական վարժարանում գործող ԱԹՍ աշխատանոցի սաների նախագծած ԱԹՍ-ների թռիչքով։ Այնուհետև ավագ դպրոցի սաների նախաձեռնած միջոցառմանը իրենց խոսքով հանդես եկան միջոցառման հյուրերը, տեղի ունեցան ելույթներ աշակերտների կողմից, ցուցադրվեցին անօդաչու թռչող սարքեր։

Նշենք, որ «Արմաթն օդում» ԱԹՍ կրթական աշխատանոցները նախատեսված են 14-18 տարեկան պատանիների համար։ Դրանցում նրանք հնարավորություն ունեն ստանալ անօդաչու թռչող սարքերի աշխատանքի տեսական գիտելիքներ, յուրացնել դրանց նախագծման ու պատրաստման, ծրագրային ապահովման, տեխնիկական սպասարկման և կառավարման առանձնահատկությունները։ Ի տարբերություն նմանատիպ այլ նախագծերի՝ «Արմաթն օդում» ԱԹՍ աշխատանոցների կրթական ծրագրում ընդգրկված են և՛ պտուտակավոր, և՛ թևավոր ԱԹՍ-ները։ Ծրագրի նպատակն է Հայաստանի (ներառյալ՝ Արցախի) բոլոր 65 քաղաքներում հիմնել ԱԹՍ կրթական աշխատանոցներ, որոնց ընդունելությունը բաց կլինի թե՛ տվյալ համայնքի բնակիչների և թե՛ հարակից համայնքների երիտասարդ աղջիկների ու տղաների համար։ Այժմ Հայաստանի 8 մարզերում գործում է 11 ԱԹՍ կրթական աշխատանոցներ

Մինչ 2022 թվականի ավարտը ԱԹՍ աշխատանոցներ կներդրվեն նաև Մարտակերտում և Արտաշատում։

Recent Posts

Activeloop-ը 11 միլիոն դոլարի ներդրում է ներգրավել

Հայկական Activeloop ստարտափը11 միլիոն դոլար է ֆինանսավորում է ապահովել Series A ռաունդում։ Դավիթ Բունիաթյանի հիմնադրած ստարտափն առաջարկում է հատուկ տվյալների…

21 hours ago

Hoory AI-ը Product Hunt-ում է

Hoory AI-ը Product Hunt-ում է։ Հայկական ստարտափի օգտին կարող եք քվեարկել այստեղ: Ձեր աջակցությունն ու մասնակցությունը շատ կարևոր են մեզ…

21 hours ago

Հայերի հիմնադրած Cognaize-ն արհեստական բանականության գերազանցության մրցանակիր է դարձել

Հայ հիմնադիրներ ունեցող Cognaize ընկերությունը Business Intelligence Group-ի կողմից արժանացել է արհեստական բանականության գերազանցության 2024-ի մրցանակի: Cognize-ը փաստաթղթերի կառավարման ավտոմատացման…

1 week ago

Կասպերսկի. Աշխարհում վնասաբեր փոստային առաքումների քանակը նվազել է, ֆիշինգային գրոհներինը՝ ավելացել

Գլոբալ փոստային տրաֆիկում սպամի միջին մասնաբաժինը 2023-ին նախորդ հաշվետու ժամանակաշրջանի համեմատ նվազել է 3,03 տ.կ.-ով և կազմել 45,60%: 2022-ին ամբողջ աշխարհում…

1 week ago

Team Telecom Armenia-ի ինտերնետը հասանելի է մետրոյում

Team Telecom Armenia-ն շարունակում է իրականացնել իր ռազմավարական ծրագրերը` կապի ամենաժամանակակից ծառայությունները հասանելի դարձնելով ամենուր՝ բոլոր բաժանորդներին։ Երևանի մետրոյում, որտեղ…

1 week ago

Կմեկնարկի Webflow-ի դասընթաց՝ աշխատանքի հնարավորությամբ

Հետաքրքրվա՞ծ եք Webflow ծրագրով կամ ցանկանում եք իմանալ, թե դա ինչ է, ուրեմն բաց մի թողեք Webflow դասընթացի տեղեկատվական օրը,…

1 week ago