Categories: Tech

Կասպերսկին ռուսական ընկերություններից ամենաշատն է ԱՄՆ-ում արտոնագրեր ստացել 2021-ին

IFI Claims Direct հետազոտական ընկերությունը «Կասպերսկի» ընկերությունը ճանաչել է առաջատար ռուսական ընկերությունների շրջանում, որոնք ԱՄՆ-ում արտոնագրեր են ստացել 2021-ին: Այդ ժամանակահատվածում, վերլուծական հաշվետվության տվյալներով, ԱՄՆ-ում գրանցվել է ՏՏ-վենդորի 43 արտոնագիր։ Ընդամենը իր պատմության ընթացքում «Կասպերսկի» ընկերությունն ԱՄՆ-ում ստացել է 412 արտոնագիր, իսկ ամբողջ աշխարհում, ներառյալ՝ Ռուսաստանը, ԵՄ-ն, Չինաստանը և Ճապոնիան, ավելի քան 1200 արտոնագիր:

Ինչպես հաղորդում է «Կասպերսկի» ընկերությունը, այն մշտապես մշակում և արտոնագրում է նոր տեխնոլոգիաներ կիբեռանվտանգության ոլորտում: Այդ նորարարությունները թույլ են տալիս ստեղծել կիբեռանվտանգության ոլորտի առաջադեմ և բազմակողմանի լուծումների և ծառայությունների պորտֆել ինչպես տնային օգտատերերի, այնպես էլ խոշոր կորպորացիաների և պետական կառույցների համար։ Ընկերությունը կանոնավոր կերպով արտոնագրային հայտեր է ներկայացնում իր լուծումների հետ կապված ոլորտներում, ներառյալ՝ ցանցային և համակարգչային անվտանգությունը, մեքենայական ուսուցումը, տեղեկատվական անվտանգությունը, ինչպես նաև ավտոմոբիլային տեխնոլոգիաները և անվտանգությունը։

Ընկերության տվյալներով՝ անցյալ տարի ԱՄՆ-ում տրված արտոնագրերի թիվն ընդհանուր առմամբ կրճատվել է 7%-ով: Միակ բնագավառը, որում նկատվել է արտոնագրերի թվի աճ, եղել են ալգորիթմների վրա հիմնված համակարգչային համակարգերը, այդ թվում՝ մեքենայական ուսուցումը ՝ «Կասպերսկի» ընկերության գործունեության առանցքային ուղղությունը։ IFI Claims Direct-ի հաշվետվության համաձայն՝ վերջին երկու տարվա ընթացքում «Կասպերսկի» ընկերության արտոնագրած տեխնոլոգիաների հիմնական բնագավառները ներառում են ցանցային ճարտարապետությունը, տվյալների անվտանգ փոխանցման արձանագրությունները և ալգորիթմների վրա հիմնված համակարգչային համակարգերը։

««Կասպերսկի» ընկերության համար նորարարական տեխնոլոգիաների ստեղծումը միշտ էլ եղել է գլխավոր գերակայություններից մեկը։ Մենք շատ ուրախ ենք, որ ընկերության աշխատանքն ընդգծվել է IFI Claims-ի հաշվետվության մեջ, մեր փորձագետ-գյուտարարների թիմը վաստակել է այդ ճանաչումը: ԱՄՆ-ի շուկայում արտոնագրային առաջատարությունը վկայում է ստեղծագործական զարգացմանը նվիրվածության և ամբողջ աշխարհի օգտատերերին մեր տեխնոլոգիական հնարավորությունները հասանելի դարձնելու մտադրության մասին»,- մեկնաբանում է «Կասպերսկի» ընկերության մտավոր սեփականության ռազմավարական զարգացման բաժնի ղեկավար Անտոն Տիխոմիրովը։

Recent Posts

Team Telecom Armenia-ն իրականացնում է բաժնետոմսերի հրապարակային տեղաբաշխում (IPO)

«Տելեկոմ Արմենիա» ԲԲԸ-ն (ապրանքանիշը՝ Team Telecom Armenia) թողարկել և հրապարակային առաջարկի միջոցով տեղաբաշխում է բաժնետոմսեր՝ հնարավորություն տալով յուրաքանչյուրին մասնակցել ընկերության…

2 days ago

TalkAround․ Գեներատիվ AI-ը գործնականում. մարտահրավերներ և հնարավորություններ

Հունիսի 1-ի BANA Angels-ի նախաձեռնությամբ The Factory ինովացիոն հաբում տեղի ունեցավ հերթական #TalkAround միջոցառումը, որը կրում էր “Generative AI in…

2 days ago

Team ընկերությունների խումբը ձեռք է բերել վրացական SkyTel-ի  30%-ը

Team ընկերությունների խումբը ձեռք է բերել Վրաստանի հեռահաղորդակցության առաջատար երեք օպերատորներից մեկի՝ SkyTel-ի 30% բաժնեմասերը: SkyTel-ի ամրակցված և անլար ինտերնետը…

4 days ago

Միլանի ակադեմիայի մանկապատանեկան ճամբարը Հայաստանում է

Միլանի ակադեմիայի մանկապատանեկան ճամբարը Հայաստանում է և իր դռներն է բացել մարզաբնակ շուրջ 160 պատանու առջև` հնարավորություն ընձեռելով մարզվելու աշխարհի…

6 days ago

Կասպերսկին թարմացրել է ղեկավարների համար կիբեռանվտանգության իր առցանց խաղը

Կասպերսկի ընկերությունը թողարկել է թոփ-մենեջերների և գծային ղեկավարների համար նախատեսված Kaspersky Interactive Protection Simulation (KIPS) ինտերակտիվ թիմային խաղի թարմացված տարբերակը:…

6 days ago

Team Telecom Armenia-ի 25 Գբ/վ արագության NGN ցանցն արդեն հասանելի է 150 հազար տնային տնտեսության

Team Telecom Armenia-ի գերհզոր NGN ցանցին արդեն հասանելիություն ունի հանրապետության ավելի քան 150 հազար տնային տնտեսություն։ Առաջնահերթություն տալով համայնքների զարգացմանը՝…

1 week ago