Facebook-ը հայտնել է, որ աշխատում է մի նոր ֆունկցիայի վրա, որն օգտատերերին հնարավորություն կտա սեփական և ընկերների գրառումների միջոցով որոնումներ իրականացնել:

Սոցիալական ցանցի նոր գործառույթն աշխատելու է ինչպես ընդհանուր արտահայտությունների (օրինակ՝ ice bucket challenge), այնպես էլ կոնկրետ մարդկանց վերաբերող բառերի և արտահայտությունների հետ: Facebook-ի հաղորդագրության մեջ նշվում է, որ օգտատերն է որոշում՝ արդյո՞ք մյուսներին թույլ տալ որոնումներ իրականացնել իր գրառումներով, թե ոչ: Դրա համար անհրաժեշտ է ընտրել համապատասխան կարգավորումները, և ըստ օգտատիրոջ ցանկության, իր գրառումները հասանելի կլինեն կամ միայն իրեն, կամ իր ընկերներին, կամ էլ ցանցում գրանցված բոլոր օգտատերերին:

Գրառումների միջոցով որոնման ֆունկցիան մի քանի օրվա ընթացքում արդեն հասանելի կլինի ԱՄՆ-ում: Բացի այդ, այն կավելացվի նաև iOS սարքերում: Մոտ ապագայում որոնման նոր տարբերակը կգործարկվի նաև մյուս երկրներում, ինչպես նաև Android սարքերում: