Չնայած այն հանգամանքին, որ տարատեսակ էլեկտրոնային սարքերում օրեցօր ավելի շատ է օգտագործվում սենսորային կառավարման համակարգը՝ ֆիզիկական կոճակներից լիովին հրաժարվել են միայն հաշված ընկերություններ: Այդուհանդերձ, շուկա մուտք գործելիս պրոդուկտներին անհրաժեշտ են որոշ առանձնահատկություններ, որոնցով կկարողանան գրավել սպառողների ուշադրությունը: Ճիշտ նույն մարտավարության արդյունքում է ստեղծվել չինական Mantra ընկերության X7 սմարթֆոնը: 

Նորույթի բոլոր ֆունկցիաների կառավարումն առանց բացառության իրականացվում է սենսորային համակարգի միջոցով: Բացակայում է անգամ սմարթֆոնի միացման կոճակը: X7-ի տեխնիկական հատկությունների վերաբերյալ մանրամասներ առայժմ չկան, միայն հայտնի է, որ այն աշխատելու է Android-ի վրա հիմնված MO7os օպերացիոն համակարգով: