Այս շաբաթ կայացած World IT Show ցուցահանդեսի շրջանակներում LG ընկերությունը ներկայացրել է AKA մոդելի սմարթֆոններ, որոնց մասին դեռևս շատ քիչ բան է հայտնի: 

AKA սմարթֆոնները, բացի վառ գունավորումից, կորպուսի հետևի հատվածում ունենալու են անիմացիոն աչքեր, որոնց արտաքին տեսքը փոփոխվելու է՝ կախված նրանից, թե ինչպես է օգտագործվում սմարթֆոնը, ինչ երաժշտություն է լսում օգտատերը և ինչ հավելվածներ են գործարկվում:  

Սարքի տեխնիկական հատկությունների վերաբերյալ մանրամասներն առայժմ չեն հրապարակվում, այդուհանդերձ, սպասվում է, որ Հարավային Կորեայում այն վաճառքի կներկայացվի արդեն հաջորդ ամսվա ընթացքում: