YouTube-ում հայտնվել է տեսանյութ, որտեղ ցուցադրվում է Android 5.0 Lollipop օպերացիոն համակարգում ծրագրավորողների թաքցրած անակնկալը, որը Flappy Bird հանրահայտ բջջային խաղի այլընտրանքային տարբերակն է:  Տարբերությունը կայանում է նրանում, որ թռչնի փոխարեն հանդես է գալիս կանաչ ռոբոտը: 

Խաղն ակտիվացնելու համար անհրաժեշտ է մուտք գործել համակարգի կարգավորումների, այնուհետև «սարքի մասին» բաժինը և մի քանի անգամ սեղմել Android տարբերակով տողի վրա: 

Դեռևս հայտնի չէ՝ արդյո՞ք խաղի այս տարբերակը հասանելի կլինի օպերացիոն համակարգի վերջնական տարբերակում, թե՞ այն առկա է լինելու միայն փորձնական տարբերակում: