Facebook-ն իր բջջային հավելվածից հեռացնելու է չաթը՝ ստիպելով օգտատերերին ներբեռնել Messenger-ը: Որոշ օգտատերեր արդեն ստացել են փոփոխությունների մասին ծանուցումը, իսկ մյուսներին չաթի ծառայությունները դեռևս հասանելի են: 

Հաղորդակցվելու այս նոր և ամենակարևորը՝ պարտադիր տարբերակն, անկասկած, դժգոհություն կառաջացնի սոցիալական ցանցի օգտատերերի մոտ, քանի որ շատերը միանգամայն անիմաստ են համարում Facebook-ի մի քանի հավելվածների ներբեռնեւմը: 

Հիշեցնենք, որ այս տարվա ապրիլին iOS, Android և Windows Phone օպերացիոն համակարգերի Messenger հավելվածը ենթարկվել է որոշ փոփոխությունների: Հին տարբերակից այն տարբերվում է, օրինակ, ձայնային զանգեր իրկանացնելու հնարավորությամբ: 

Ներկայումս Messenger հաղորդակցման հարթակի ծառայություններից օգտվուն է ամսական ավելի քան 200 միլիոն օգտատեր: