Samsung ընկերությունը դեռևս պաշտոնապես չի ներկայացրել Galaxy S5 Mini մոդելի սմարթֆոնը, սակայն համացանցում տեղադրված բարձր որակի լուսանկարները թույլ են տալիս որոշակի ենթադրություններ անել: 

Պարզվել է, որ սմարթֆոնի մինի տարբերակն ունենալու է օրիգինալի նույն տեսքը: Այն ևս զինված է լինելու մատնահետքերի սկաներով և սրտի զարկերի քանակը չափող համակարգով: Սարքը լինելու է ջրակայուն, ինչպես և օրիգինալը:

Տեղեկատվության արտահոսքի շնորհիվ հայտնի են դարձել նաև սմարթֆոնի ներքին առանձնահատկությունները: Այն աշխատելու է 1.4 ԳՀց հաճախականությամբ Exynos 3 Quad (3470) պրոցեսորով, հագեցած է լինելու 1.5 Գբ օպերատիվ և 16 Գբ ներկառուցվող հիշողությամբ, ինչպես նաև 8 Մպ տեսախցիկով: Սարքի 720p թույլատրությամբ դիսփլեյի չափսը կազմելու է 4.5 դյույմ:

Նշենք նաև, որ Samsung Galaxy S5 Mini-ում որպես ծրագրային հիմք է ծառայելու Android 4.4.2 օպերացիոն համակարգը: