Facebook-ն իր բջջային հավելվածից հեռացնելու է չաթը՝ ստիպելով օգտատերերին ներբեռնել Messenger-ը: Որոշ օգտատերեր արդեն ստացել են փոփոխությունների մասին ծանուցումը, իսկ մյուսներին չաթի ծառայությունները դեռևս հասանելի են: Այդուհանդերձ, Messenger-ը ներբեռնելու համար նրանք ունեն ընդամենը երկու շաբաթ ժամանակ, որից հետո հաղորդագրություններ ուղարկելու ծառայությունը կանհետանա հիմնական հավելվածից:

Փոփոխությունները շրջանցելու միակ տարբերակը Android օպերացիոն համակարգի հին տարբերակի օգտագործումն է, քանի որ Messenger հավելվածը համատեղելի չէ վերջինիս հետ:

Հաղորդակցվելու այս նոր և ամենակարևորը՝ պարտադիր տարբերակն, անկասկած, դժգոհություն կառաջացնի սոցիալական ցանցի օգտատերերի մոտ, քանի որ շատերը միանգամայն անիմաստ են համարում Facebook-ի մի քանի հավելվածների ներբեռնեւմը: