«ԱրմենՏել» ընկերությունը (ապրանքանիշը Beeline) հայտարարել է ռոումինգում շարժական ինտերնետի սակագնի իջեցման մասին՝ շարժական կապի բոլոր բաժանորդների համար:

Ընկերությունից տեղեկացնում են, որ այժմ Beeline բաժանորդները, ռոումինգում միանալով «ՎիմպելԿոմ» ընկերությունների խմբի Beeline սակագնային գոտում ներառված օպերատորների ցանցին, յուրաքանչյուր մեգաբայթ ինտերնետ-տրաֆիկի համար կվճարե 250 դրամ։

Beeline սակագնային գոտում ներառված են հետևյալ օպերատորները՝ Beeline (Ռուսաստան), Mobitel (Վրաստան),  KarTel (Ղազախստան), Tacom (Տաջիկստան), Sky Mobile (Ղրղզստան), Unitel (Ուզբեկստան), Kyivstar (Ուկրաինա) և Wind (Իտալիա)։

Ռոումինգ ծառայությունն ակտիվացնելու համար Beeline կանխավճարային համակարգի բաժանորդները պետք է հավաքեն հետևյալ հրահանգը #351*0000#։

Հետվճարային համակարգի ֆիզիկական անձ հանդիսացող բաժանորդները կարող են միացնել ռոումինգ ծառայությունը ներկայացնելով անձնագիր և լրացնելով համապատասխան հայտը Beeline վաճառքի և սպասարկման գրասենյակներից որևէ մեկում։

Իրավաբանական անձիք պետք է լրացուցիչ ներկայացնեն լիազորագիր շարժական կապի կորպորատիվ փաթեթի պատասխանատուի անունից։

Հավելյալ տեղեկատվություն ռոումինգ ծառայությունների, ռոումինգում գտնվելիս հաշվեկշիռը վերալիցքավորելու վերաբերյալ կարել է ստանալ՝ այցելելով Beeline վաճառքի և սպասարկման գրասենյակներ կամ  www.beeline.am կայք։