Categories: Code

ԱՏՁՄ-ն ամփոփում է «Բանակից ՏՏ» ծրագրի ընթացիկ արդյունքները

Առաջատար տեխնոլոգիաների ձեռնարկությունների միությունը (ԱՏՁՄ) 2020 թ.-ի դեկտեմբերին հայտարարեց «Բանակից ՏՏ» ծրագրի երկրորդ փուլի մեկնարկի մասին։ Պայմանավորված  2020 թ.-ի  սեպտեմբեր 27-ից նոյեմբերի 10-ը տեղի ունեցած պատերազմով՝  ԱՏՁՄ անդամ և գործընկեր ընկերությունները նախաձեռնեցին հատուկ դասընթացներ մարտական գործողությունների մասնակից, մարտական գործողություններում հաշմանդամություն ստացած անձանց, ինչպես նաև  պատերազմում զոհված կամ վիրավոր անձանց ընտանիքի անդամների համար, հետագայում իրենց թիմն այդ մասնագետներով համալրելու նպատակով։ Դասընթացներն սկսվեցին 2021 թ.-ի  հունվարի  20-ին։

Ծրագրի ընթացքում ԱՏ ոլորտի առաջատար կազմակերպություններում աշխատող մասնագետները դասընթացների միջոցով իրենց գիտելիքն են փոխանցում ծրագրի շահառուներին: Դասընթացներն անցկացվում են հեռավար կամ առկա կարգով՝ հաշվի առնելով բնակության վայրը, ֆիզիկական կարողությունները և այլ նպատակահարմարություններ:

Մասնակիցներն առցանց ձևաչափով անցնում են կիբերանվտանգություն, վեբ տեխնոլոգիաներ, առկա ձևաչափով՝ թվային մարքեթինգ ու սոցիալական մեդիա մարքեթինգ և ռոբոտաշինություն։ Ապրիլի կեսերին կբացվեն ծրագրավորման ու վեբ տեխնոլոգիաների դասընթաց Հայրենիքի պաշտպանի վերականգնողական կենտրոնում և Java Basics ու Gate to Product Management դասընթացներ՝ ԱՏՁՄ գործընկեր ընկերության կողմից։

Ընդգրկված մասնակիցներից շատերն ԱՏՁՄ գործընկերությամբ դասընթացներին զուգահեռ  սովորում են անգլերեն։ «Բանակից ՏՏ»-ում ընդգրկված մասնակիցներից մի քանիսի հետ մենթորային ծրագիր է իրականացվում։ Մենթորային ծրագիր շուտով կանցկացվի նաև վեբ տեխնոլոգիաների դասընթացի մասնակիցների հետ՝ ԱՏՁՄ անդամ ընկերությունների աշխատակիցների կողմից։

Հիշեցնենք, որ դեռ 2016 թ.-ի ապրիլյան պատերազմից հետո ԱՏՁՄ-ն նախաձեռնեց և իրականացրեց «Բանակից ՏՏ» ծրագրի առաջին փուլը, որի նպատակն էր ծրագրավորման հիմնարար գիտելիքներ փոխանցել պատերազմի մասնակից այն անձանց, ովքեր ցանկություն ունեին մասնագիտանալու ԱՏ ոլորտում: Ծրագրի առաջին փուլի արդյունքում 2016 թ.-ի հուլիսից մինչև 2017 թ.-ի դեկտեմբեր արագացված վարժանքներ են անցել 168 երիտասարդ: Դասընթացի ավարտից հետո մասնակիցները պրակտիկա են անցել, ապա աշխատել ԱՏ առաջատար ընկերություններում, նրանց մի մասն էլ ներկայումս աշխատում է «Արմաթ» ինժեներական լաբորատորիաներում՝ որպես խմբավար:  Ծրագրի արդյունքում խմբի անդամների ներգրավվածությումբ ստեղծվեց InnoPark հավելվածով InnoSoft սթարթափը:

Recent Posts

Hye Combinator – Սփյուռքահայերի նոր նախաձեռնությունը՝ հայկական տեխնոլոգիական համայնքը զարգացնելու համար

Սփյուռքահայ գործարարների նախաձեռնությամբ ստեղծվել է Hye Combinator (Հայ Կոմբինատոր) մենթորական հարթակը, որը միտում ունի միավորել ՏՏ ոլորտի հայ գործարարներին և…

2 weeks ago

DISQO-ն ԱՏՁՄ-ի գործընկերությամբ տեխնոլոգիական դասընթացներ է մեկնարկում Արցախյան 2-րդ պատերազմին մասնակիցների համար. գրանցումը բաց է

Ապրիլի 15-ից կմեկնարկեն «Gate to Product Management» և «Java Basics» դասընթացները ԱՏՁՄ-ի «Բանակից ՏՏ ոլորտ» ծրագրի շրջանակներում։ Դասընթացները կվարեն DISQO…

4 weeks ago

Ucom-ը փորձարկում է մինչև 1գբիթ/վրկ արագությամբ ցանց

Հայաստանում ամենաարագ օպտիկամանրաթելային ցանցի միջոցով կապի ծառայություններ  մատուցող Ucom ընկերությունը որոշ հասցեներում փորձարկում է մինչև 1 Գբիթ/վրկ արագությամբ ինտերնետի, ինչպես…

4 weeks ago

Ինչպե՞ս գնել Բիթքոին. հեշտ և վստահելի ճանապարհը

Վերջերս կրիպտոարժույթների շուկաներում ահռելի աճ է գրանցվում: Վստահ ենք` մտածել եք բիթքոինի մասին։ Հնարավոր է` նույնիսկ մտածել եք գնել կամ…

2 months ago

Renderforest ընկերությունը գործարկել է գրաֆիկ դիզայնի նորարարական գործիք

Renderforest ընկերությունը ուրախությամբ հայտնում է իր նոր գործիքի՝ գրաֆիկ վիզուալներ պատրաստելու համար նախատեսված հարթակի թողարկման մասին, ինչը սկիզբ է դնում…

3 months ago

Ucom. մեկնարկել է «2021-ին միայն լավ լուրեր» արշավը

Դեկտեմբերի 17-ից Ucom-ում մեկնարկել է «2021-ին միայն լավ լուրեր» արշավը։ Ucom սպասարկման կենտրոններից կանխիկ կամ ապառիկ Samsung Galaxy A21s 32ԳԲ…

4 months ago