Categories: Business

Beeline ստարտափ ինկուբատորի 5-րդ շրջափուլի ռեզիդենտները ներդրում և մրցանակներ են ստացել

Beeline ստարտափ ինկուբատորի թիմն արդեն սկսել է ակտիվ աշխատանքները 5-րդ շրջափուլի 5 ռեզիդենտ ստարտափների հետ: Ինտենսիվ դասընթացների, թեմատիկ հանդիպումների և անհատական աշխատանքների շնորհիվ ռեզիդենտ ստարտափներն արդեն իսկ ունեն զգալի հաջողություններ։

Խոշոր ձեռքբերումներից առաջինը հոկտեմբերի 2-ին Forge Fiction ստարտափում համատեղ ներդրումն էր, որը կատարեցին Հայաստանի բիզնես հրեշտակների ցանցը (Business Angel Network of Armenia – BANA), SmartGateVC վենչուրային ֆոնդը և Գիտության և տեխնոլոգիաների հրեշտակների ցանցը (Science and Technology Angel Network – STAN)։

Երկրորդ զգալի հաջողությունը գրանցվեց «WCIT 2019»-ի շրջանակում։ ՏՏ համաշխարհային համաժողովի 40-ամյա պատմության մեջ առաջին անգամ Երևանում անցկացվող «Lightning Rounds» ստարտափ մրցույթի ընթացքում 6 հաղթողներից 2-ը 5-րդ շրջափուլի ռեզիդենտ ստարտափներն էին։ Ժյուրիի գնահատականների արդյունքում 3 առաջին հորիզոնականներից մեկը գրավեց ForgeFiction-ը՝ $25.000 մրցանակով, իսկ 3 երկրորդ տեղերից մեկը՝ GebeCert-ը $10.000 մրցանակով։ Հաղթող թիմերի համար կազմակերպչական կոմիտեն հայկական ՏՏ համայնքի անունից սահմանել էր «Armenian Tech Community Prize» մրցանակը։

«Մեր ինկուբատորի համար ծայրահեղ կարևոր է ոչ միայն մասնակիցներին գիտելիքներ ու հմտություններ փոխանցել, այլ ամեն հնարավոր կերպ աջակցել նրանց առաջխաղացմանը: Այդ իսկ պատճառով նման մեծ հաջողություններն այդպիսի հեղինակավոր միջոցառումներին մենք մեր անձնական հաջողությունն ենք համարում: Բնականաբար, մենք շարունակելու ենք մեր թիմերին բազմակողմանի աջակցություն ցուցաբերելը», – նշեց Հայաստանում Beeline-ի գլխավոր տնօրեն Անդրեյ Պյատախինը։

Beeline ստարտափ ինկուբատորն իր բոլոր ռեսուրսների օգնությամբ նպաստում է ստարտափների ինտենսիվ աճին, դրանով իսկ ապահովելով ստարտափների համար ներդրման հնարավորություն և ելք միջազգային շուկա։ Նրանց տրամադրվում է աշխատանքային տարածք, կազմակերպվում են թեմատիկ հանդիպումներ և վարպետության դասեր՝ ձեռներեցության, մենեջմենթի, մարքեթինգի, PR-ի, ֆինանսական և իրավաբանական հարցերի վերաբերյալ։

Ընտրված ռեզիդենտ ստարտափները 14 շաբաթների ընթացքում օգտվում են Ինկուբատորի ռեսուրսներից, փորձագետների խորհրդատվությունից և ակտիվ ձեռնարկատիրական միջավայրում գործելու հնարավորությունից։

———–

«ՎԵՈՆ Արմենիա» ՓԲԸ-ն (Beeline ապրանքանիշ) «ՎԵՈՆ» ընկերությունների խմբի մաս է։  «ՎԵՈՆ» խումբը աշխարհի խոշորագույն ինտեգրված օպերատորներից մեկն է: Այն շրջանառվում է NASDAQ և Euronext Amsterdam բորսաներում և ընդգրկում է մի շարք հեռահաղորդակցության ընկերություններ, որոնք մատուցում են ձայնային կապի ու տվյալների հաղորդման, ինչպես նաև լայնաշերտ ինտերնետ հասանելիության ծառայություններ ավելի քան 240 մլն բաժանորդների ամբողջ աշխարհում: Մանրամասներին կարելի է ծանոթանալ www.veon.com կայքում:

Recent Posts

Հայաստանում Beeline-ը 100 մլն դրամ է փոխանցել «Հայաստան» հիմնադրամին

Հայաստանում Beeline-ը նույնպես միացել է աշխարհի հայության կողմից իրականացվող դրամահավաքին և «Հայաստան» համահայկական հիմնադրամին փոխանցել է 100 մլն դրամ: Նշենք,…

1 month ago

Շարժական կապի օպերատորների համատեղ հայտարարությունը

Հայաստանի շարժական կապի օպերատորները համատեղ հայտարարություն են տարածել։ Հայտարարությունը ներկայացնում ենք ամբողջությամբ։ «Սիրելի՛ հայրենակիցներ, մենք և մեր գործընկեր-օպերատորներն անթիվ-անհամար կոչեր,…

2 months ago

Beeline. մալուխի վնասման հետևանքով բաժանորդները զրկվել են ինտերնետ կապի հասանելիությունից

Beeline-ը տեղեկացնում է, որ այսօր ճանապարհաշինական աշխատանքների հետևանքով, որոնք իրականացվում են տարբեր շինարարական ընկերությունների  կողմից, վնասվել են Beeline-ի օպտիկական մալուխները՝ Սևան-Դիլիջան և…

2 months ago

Հայկական Krisp-ն ընդգրկվել է Fobes-ի «Cloud 100 Rising Star» ցուցակում

Հայկական Krisp ընկերությունը, որը արհեստական բանականության տեխնոլոգիաների միջոցով իրական ժամանակում մաքրում է ձայնը կողմնակի աղմուկից, ընդգրկվել է ամերիկյան Forbes պարբերականի Cloud 100 Rising…

2 months ago

Կայացել է Beeline Ստարտափ Ինկուբատորի 7-րդ շրջափուլի Դեմո օրը

Ավարտվել է Beeline ստարտափ ինկուբատորի 7-րդ շրջափուլը։ 7-րդ դեմո օրվա ընթացքում 5 շրջանավարտ ստարտափները ներկայացրին իրենց գաղափարներն ու բիզնես նախագծերը…

3 months ago

Beeline-ը շարունակում է արդիականացնել 4G բջջային ցանցը

Beeline-ը հայտարարում է 4G բջջային ցանցի արդիականացման նոր փուլի ավարտի մասին: Բաժանորդի ինտերնետ արագության ավելացման նպատակով ընկերությունը մոդերնիզացրել է ընթացիկ 4G…

3 months ago